យោងតាមការប្រកាសលើគណនី IG របស់តារាសម្ដែងល្បី Pancake Khemanit Jamikorn បានបង្ហោះចែករំលែកជាសាធារណៈកាលពី ៣ម៉ោងមុននេះថា រូបកញ្ញាបានឆ្លងជំងឺកូវីដ-១៩ ហើយខណៈនេះកំពុងស្ថិតក្នុងការព្យាបាលពីគ្រូពេទ្យនៅមន្ទីរពេទ្យ។
សូមចុចអាន ចត្តាឡីស័ក១៤ថ្ងៃក្រោយ Violette ទៅច្រៀងនៅក្លិបកម្សាន្តមានអ្នកកើតជំងឺ Covid-19 ទៅចូលរួម!
កញ្ញា Pancake បានរៀបរាប់ឱ្យដឹងថាសមាជិកក្នុងគ្រួសារកញ្ញាបានឆ្លងជំងឺកូវីដ-១៩ ហើយបានដឹងលទ្ធផលនៅថ្ងៃទី២៦ ខែមិថុនា ឆ្នាំ ២០២១ នៅពេលដឹងដំណឹងនេះភ្លាមកញ្ញាក៏បានប្រញាប់ទៅពិនិត្យសុខភាពហើយនៅថ្ងៃទី២៧ ពេលរសៀលលទ្ធផលបានចេញមកបញ្ជាក់ថាកញ្ញាវិជ្ជមានជំងឺកូវីដ-១៩ ដូចគ្នា ដូច្នេះកញ្ញាក៏បានចូលទៅព្យាបាលអាការៈជំងឺនេះនៅមន្ទីរពេទ្យភ្លាមៗ។
ក្នុងនោះតារាសម្ដែងស្រីឯករាជ្យរូបនេះក៏បានបង្ហាញ Timeline ទីតាំងដែលខ្លួនបានទៅ ដើម្បីឱ្យមនុស្សដែលមានពាក់ព័ន្ធនឹងកញ្ញាដោយផ្ទាល់ និង ដោយប្រយោលបានត្រៀមលក្ខណៈ និង តាមដានអាការៈជាបន្តទៀតផងដែរ៕
