តារាចម្រៀង និងជាពិធីការិនីដ៏លេចធ្លោ កញ្ញា សុភក្ត្រ កុសុម៉ា បានបង្ហោះរូបថតមួយសន្លឹកព្រមជាមួយនឹងពានប្រាក់ (Bronze Creator Award) ដែលបានខ្លួនបានទទួលពី YouTube ព្រមជាមួយនឹងសំណេរខ្លីដោយក្ដីជឿជាក់។
សូមចុចអាន PeyPey Dy ត្រូវ កុសុម៉ា នាំមនុស្សពិសេសម្នាក់មក Surprise តាមផ្លូវរហូតដល់គាំងកណ្ដាលទី!
រូបថតមួយសន្លឹកព្រមជាមួយនឹងពានពណ៌ប្រាក់ដែលកញ្ញា កុសុម៉ា បានទទួលពី YouTube កញ្ញាបានបង្ហោះចែករំលែកឱ្យអ្នកគាំទ្រ និង អ្នកស្គាល់កញ្ញា បានដឹងនិងជួយត្រេកអរកញ្ញា នៅថ្ងៃទី២៨ ខែមិថុនា ឆ្នាំ២០២១ ដោយក្នុងនោះកញ្ញាក៏បានសរសេររៀបរាប់ខ្លីដែរថា៖
«ការខិតខំប្រឹងប្រែងនឹងហុចផលនៅថ្ងៃណាមួយ អបអរសាទរខ្លួនឯង និង សូមអរគុណបងប្អូននូវការស្រលាញ់ពេញចិត្តក្មេងស្រីដ៏តូចច្រឡឹងម្នាក់នេះ»
Bronze Creator Award ដែលកញ្ញា សុភក្ត្រ កុសុម៉ា ទទួលបាននេះគឺបានមកដោយសារ Channel ផ្ទាល់ខ្លួនរបស់កញ្ញាដែលមានឈ្មោះថា Sopheak Kosoma (ឈ្មោះកញ្ញាសរសេរជាភាសាអង់គ្លេស) ធ្វើគ្រប់លក្ខខណ្ឌរបស់ YouTube មានចំនួនអ្នក Subscribe គ្រប់ចំនួន១០០K ដោយពេលនេះកញ្ញាមានចំនួន Subscribers ចំនួន ១០២K ហើយ។
គួរដឹងដែរបច្ចុប្បន្ន សុភក្ដ្រ កុសុម៉ា បានបង្កើតកម្មវិធីអនឡាញ (Content Online) ជាច្រើន នៅលើបណ្ដាញសង្គម Facebook ក៏ដូចជា YouTube ដែលកម្មវិធីរបស់កញ្ញាភាគច្រើនទទួលបានជោគជ័យខ្លាំង ក្នុងនោះមានកម្មវិធី Love and Laugh Talk Show , Jeng Or (ចឹងហ្អ៎) និង Sunday Drive ជាដើម៕