ពានរង្វាន់បាល់ទាត់ជើងឯកទ្វីបអាមេរិកខាងត្បូង 2021 Copa América ដែលកំពុងតែរៀបចំនៅប្រទេសប្រេស៊ីល បានរកឃើញក្រុមខ្លាំងឡើងដល់វគ្គ៨ក្រុមចុងក្រោយហើយ ក្រោមបញ្ចប់វគ្គជម្រុះតាមពូលនៅព្រឹកថ្ងៃអង្គារ ទី២៩ ខែមិថុនាឆ្នាំ២០២១ នេះ។
ដូច្នេះក្រុមខ្លាំងនៅពូល A មាន៖
១) អាហ្សង់ទីន
២) អ៊ុយរុយហ្គាយ
៣) ប៉ារ៉ាហ្គាយ
៤) ស៊ីលី
ចំណែកក្រុមខ្លាំងពូល B មាន៖
១) ប្រេស៊ីល
២) ប៉េរូ
៣) កូឡុំប៊ី
៤) អេក្វាឌ័រ
គូប្រកួតដែលត្រូវជួបគ្នានៅវគ្គ៨ក្រុមចុងក្រោយមាន៖
-២ កក្កដា ២០២១ ប៉េរូ Vs ប៉ារ៉ាហ្គាយ ម៉ោង៤ព្រឹក
-២ កក្កដា ២០២១ ប្រេស៊ីល Vs ស៊ីលី ម៉ោង៧ព្រឹក
-៣ កក្កដា ២០២១ អ៊ុយរុយហ្គាយ Vs កូឡុំប៊ី ម៉ោង៥ព្រឹក
-៣ កក្កដា ២០២១ អាហ្សង់ទីន Vs អេក្វាឌ័រ ម៉ោង៨ព្រឹក
ក្រោយចប់វគ្គជម្រុះតាមពូលនេះ រកឃើញអ្នកទាត់បាល់បញ្ចូលទីបានច្រើនជាងគេ គឺ៖
-Lionel Messi អាហ្សង់ទីន រកបាន៣គ្រាប់
-Neymar ប្រេស៊ីល រកបាន ២គ្រាប់
-Eduardo Vargas ឈីលី រកបាន ២គ្រាប់
-Ayrton Preciadoអេក្វាឌ័រ រកបាន ២គ្រាប់
-André Carrillo ប៉េរូ រកបាន ២គ្រាប់
-Ángel Romero ប៉ារ៉ាហ្គាយ រកបាន ២គ្រាប់
-Erwin Saavedra បូលីវី រកបាន ២គ្រាប់
-Edinson Cavani អ៊ុយរុយហ្គាយ រកបាន ២គ្រាប់
-Alejandro Gómez អាហ្សង់ទីន រកបាន ២គ្រាប់
ពានរង្វាន់ 2021 Copa América មានក្រុមចូលរួមចំនួន១០ក្រុម បែងចែកជា២ពូល នឹងចាប់ផ្ដើមពីថ្ងៃទី១៣ ខែមិថុនា ដល់ថ្ងៃទី១០ ខែកក្កដា ឆ្នាំ២០២១។ ពានរង្វាន់រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក៕
