សិល្បៈអន្តរជាតិ៖ អស់រយៈពេលជាច្រើនទស្សវត្សរ៍មកហើយ សាកសពសត្វចម្លែកមួយដែលមានភិនភាគស្រដៀងនឹងនាងមច្ឆាតូច ត្រូវបានប្រជាជនជប៉ុនគោរពបូជានៅប្រាសាទអារ៉ាមមួយក្នុងទីក្រុង Asakuchi ត្រូវបានក្រុមអ្នកវិទ្យាសាស្ត្រដាក់ការសង្ស័យជាយូរណាស់មកហើយថា តើសាកសពស្វិតក្រៀមដូចជាម៉ាំមីនាងមច្ឆាមួយនេះ មានលើភពផែនពិតមែន ឬគ្រាន់តែជាការបង្កើតឡើងដោយមនុស្ស?
សាកសពម៉ាំមីនាងមច្ឆា មានការអះអាងតៗគ្នាថា បានរកឃើញ និងចាប់បានពីមហាសមុទ្រប៉ាស៊ីហ្វិក ខាងក្រៅកោះ Shikoku ចន្លោះឆ្នាំ 1736 និង 1741 ដោយសាកសពសត្វចម្លែកដ៏ល្បីល្បាញនេះ ត្រូវបានរក្សាទុកនៅអារ៉ាម Enjuin ក្នុងទ្រីកុង Asakuchi អស់រយៈពេលជាង 40 ឆ្នាំមកហើយ។ ភ្ញៀវទេសចរណ៍ និងប្រជាជននៅក្នុងតំបន់បានជឿថាអដ្ឋិធាតុមួយនេះ នឹងនាំសំណាងដល់ពួកគេ ទើបបានជាពីមួយថ្ងៃទៅមួយថ្ងៃមានអ្នកមកបន់ស្រន់នាងមច្ឆាមិនចេះដាច់។
គ្រប់គ្នាតែងតែនិយាយថា សត្វចម្លែកអរូបីរូបរាងតូចៗទាំងនេះ គឺជាសត្វអមតៈ ហើយអ្នកណាដែលស៊ីសាច់របស់វា នោះពួកគេនឹងទទួលបាននូវជីវិតអមតៈ ។ យ៉ាងណាមិញ ជំនឿនេះនៅមិនទាន់មាននរណាម្នាក់បានសាកល្បងនៅឡើយទេ ប៉ុន្តែក្រុមអ្នកវិទ្យាសាស្ត្របានស្នើឱ្យមានការពិនិត្យឱ្យបានហ្មត់ចត់បន្ថែមទៀត ដើម្បីបញ្ជាក់ថា វាកើតពីរឿងព្រេងប្រឌិត ឬជារឿងពិតមែន។
កាលពីឆ្នាំមុននេះ អ្នកស្រាវជ្រាវមកពីសាកលវិទ្យាល័យ Kurashiki University of Science and the Arts ទទួលបានសិទ្ធអនុញ្ញាតិឱ្យនាំនាងមច្ឆាដ៏អាថ៌កំបាំងនេះ ពីអារ៉ាម Enjuin ដើម្បីធ្វើការចាប់ផ្តើមវិភាគ រួមទាំងការស្កែន X-ray និង CT ស្កែង និងពិនិត្យមីក្រូទស្សន៍អេឡិចត្រុងដើម្បីធ្វើការវិភាគ DNA ។
អ្វីដែលគេកត់សម្គាល់ជាដំបូងអំពីសំណាកទំហំ 12 អ៊ីងគឺមានក្បាល និងដងខ្លួនរបស់សត្វព្រូនតូច និងពាក់កណ្តាលខាងក្រោមសាកសពនាងមច្ឆា គឺជាការពិត ដែលមានបំណែកខ្លះខ្វះគ្រោងឆ្អឹង។ គ្រោងឆ្អឹង រាងកាយខាងក្រោមសាកសពនាងមច្ឆា គឺមានសណ្ឋានដូចជាសត្វត្រីពិត។ រីឯសំណាកផ្សំចម្លែកៗនៃសំណល់ពីរូបរាស្វីតក្រៀមរបស់នាងមច្ឆា ត្រូវបានអ្នកវិទ្យាសាស្ត្ររុំដោយ ក្រណាត់ ក្រដាស និងកប្បាស ដើម្បីបន្តតាមដាននៅពេលក្រោយ។
អ្នកវិទ្យាសាស្ត្រមួយចំនួនធ្លាប់បានសន្មត់ថា សាកសពស្វីតក្រៀមរបស់នាងមច្ឆាដែលគ្រប់គ្នាគោរពបូជា នេះត្រូវបានបង្កើតឡើងដោយដេរក្បាលរបស់សត្វស្វា តភ្ជាប់ជាមួយដងខ្លួនរបស់សត្វត្រី ដែលជាការបំភ័ន្តភ្នែកមនុស្សឱ្យជឿស្លុងតាមអបីយជំនឿ។ ការធ្វើតេស្តកាលពីឆ្នាំមុននេះ ក៏បានបង្ហាញថា វាពិតជាពិបាកអះអាងថា អដ្ឋិធាតុរបស់នាងមច្ឆាមួយនេះត្រូវបានធ្វើឡើងដោយដៃមនុស្ស ឬជាការពិតមិនរឿងព្រេង។
អ្នកវិទ្យាសាស្ត្របានអះអាងថា ក្បាលរបស់សត្វមច្ឆា មានលាបដោយម្សៅខ្សាច់លាយជាមួយធ្យូង។ ថ្គាម និងធ្មេញ របស់វាទំនងជាយកចេញពីធ្មេញរបស់ត្រី មំសាលី ហើយក្រចករបស់វាត្រូវបានផលិតចេញពីសារធាតុ keratin
ទោះបីជាគោលបំណងពិតនៃស្រាវជ្រាវលើសាកសពរបស់នាងមច្ឆានៅតែជាអាថ៌កំបាំងក៏ដោយ ប៉ុន្តែអ្នកវិទ្យាសាស្ត្រជឿថា ការរកឃើញការពិតនេះ មិនបានបញ្ឈប់រាល់ការបញ្ឆោតរបស់មនុស្សឱ្យជឿថា សត្វទេវកថារបស់ជប៉ុនដែលពួកគេជឿលើអបីយជំនឿជីវិតអមតៈតាមរយៈការបរិភោគសត្វចម្លែកអស់នេះ។
យ៉ាងណាមិញ ក្រុមអ្នកវិទ្យាសាស្ត្រជប៉ុនបានចេញផ្សាយការរកឃើញរបស់ខ្លួនកាលពីដើមឆ្នាំនេះ។ រហូតមកទល់ឥឡូវនេះក្រុមអ្នកស្រាវជ្រាវសង្ឃឹមថា នឹងទទួលបានការពិសោធន៍បន្តទៀតទៅលើសាកសពសត្វមច្ឆាចំនួន 14 ផ្សេងទៀត ដែលបានរកឃើញនៅទូទាំងប្រទេសជប៉ុន ដើម្បីយកលិទ្ធផលមកប្រៀបធៀបគ្នា៕