យោងតាមរយៈហ្វេសប៊ុកផេក របាំខ្មែរ ROBAM KHMER បានបង្ហោះរូបភាពចំនួន៨សន្លឹកបង្ហាញស្នាដៃបង្កើតថ្មី ឈុតមេទ័ព (ព្រួញ) រចនាបទសម័យអង្គរ នៅថ្ងៃទី ៣០ខែមិថុនាឆ្នាំ២០២១។
ឈុតមេទ័ពខាងលើនេះ គឺជាស្នាដៃបង្កើតថ្មី តំឡើងដោយ របាំខ្មែរ ROBAM KHMER គ្រងឈុតនេះដោយលោក Nak Pisey (Mr. Cambodia) តុបតែងដោយ Chong Han ខណៈសព្វាវុធផ្ដល់ដោយ ហនុមាន សាស្ត្រាវុធ និងយ័ន្តខ្មែរ។ រូបភាពចំនួន៨ សន្លឹកដែលបង្ហាញគ្រប់ទម្រង់សកម្មភាពក្នុងឈុតមេទ័ពរបស់លោក Nak Pisey ទទួលបានចុច Like រហូតជាង៤០០ និងមានការ Share ចំនួន ៥១ ព្រមទាំង Comment វិជ្ជមាន និង កោតសរសើរ ច្រើនចំពោះស្នាដៃខាងលើ។
សម្រាប់ផេក របាំខ្មែរ ROBAM KHMER ធ្លាប់បានបង្ហាញស្នាដៃដែលទទួលបានការកោតសរសើរជាច្រើនកន្លងមកហើយ ដូចជាកាលពីថ្ងៃទី២៧ ខែមិថុនា ផេកមួយនេះក៏បានបង្ហាញការបង្កើតថ្មី ឈុត ព្រះរាជាចេញច្បាំង រចនាបថសម័យអង្គរ ដែលគ្រងឈុតដោយលោក Vorak Both (Mister Cambodia) តុបតែងឡើងដោយលោក Chong Han ខណៈគ្រឿងសព្វាវុធរៀបចំឡើងដោយ ហនុមាន សាស្ត្រាវុធ និង យ័ន្តខ្មែរ ដដែល។
ចង់ដឹងថាស្នាដៃបង្កើតថ្មី ឈុត មេទ័ព (ព្រួញ) រចនាបថសម័យអង្គរ និង ឈុតព្រះរាជាចេញច្បាំង រចនាបថសម័យអង្គរ ស្អាត មាន អានុភាព និង អំណាច យ៉ាងណា សូមទស្សនារូបភាពខាងក្រោម៖