លោកគ្រូបង្វឹក Darren Pomroy បង្ហោះពីការចែកផ្លូវគ្នាជាមួយក្លិបបាល់ទាត់សូលទីឡូអង្គរ (Soltilo Angkor FC) សមាជិកពានរង្វាន់លីគកំពូលកម្ពុជា Metfone Cambodian League 2021 នៅយប់ថ្ងៃពុធ ទី៣០ ខែមិថុនា ឆ្នាំ២០២១ ម្សិលមិញនេះ មុនពេលការប្រកួតដំណើរការឡើងវិញនៅថ្ងៃសៅរ៍ ចុងសប្ដាហ៍នេះ។
ចូលដល់ព្រឹកថ្ងៃព្រសហ្បត្តិ៍ នេះក្លិបសូលទីឡូអង្គរ បានបញ្ជាក់ថា៖«ក្លិបបានសម្រេចចែកផ្លូវជាមួយគ្រូបង្វឹក Charlie។យើងពិតជាកោតសរសើរចំពោះពាក្យលើកទឹកចិត្តនិងអ្វីៗទាំងអស់ដែលយើងបានរៀនពីគាត់។ សូមជូនពរឱ្យលោកទទួលជោគជ័យគ្រប់ទីកន្លែងដែលអ្នកទៅ»។
អត្ថបទពាក់ព័ន្ធ៖កីឡាករ កែវ សុផល របស់សូលទីឡូអង្គរ បង្ហាញខ្លួន៣លើក កាតក្រហម២ដង
៥ប្រកួតកន្លងមករបស់លោក Darren Pomroy ជាមួយក្រុមសូលទីឡូអង្គរ បរាជ័យទាំង៥ប្រកួត ទាត់ចូលទីគេបាន២ប្រកួតនិងរបូតគ្រាប់បាល់ចំនួន២១គ្រាប់ ឈរនៅបាតតារាងក្នុងចំណោមសមាជិកទាំង១៣ក្រុម។
ក្លិបសូលទីឡូអង្គរ នៅមិនទាន់ប្រកាសពីសមាសភាពគ្រូបង្វឹកថ្មីនៅឡើយនោះទេ ខណៈក្រុមនេះត្រូវប្រកួតជាមួយក្រុមអគ្គស្នងការដ្ឋាននគរបាលជាតិ នៅវេលាម៉ោង៣:៣០នាទីរសៀលថ្ងៃសៅរ៍ ទី៣ ខែកក្កដា ឆ្នាំ២០២១ ខាងមុខនេះ៕
