ក្រុមបាល់ទាត់ជម្រើសជាតិទាំង១២ ដែលខ្លាំងជាងគេឡើងដល់វគ្គជម្រុះជុំទី៣ ប្រចាំទ្វីបអាស៊ី នៃពានរង្វាន់ជើងឯកពិភពលោក 2022 FIFA World Cup Qatar បានចាប់ជា២ពូលរួចរាល់ហើយ នៅរសៀលថ្ងៃព្រហស្បតិ៍ ទី១ ខែកក្កដា ឆ្នាំ២០២១ នេះ ក្នុងស្នាក់ការកណ្ដាលរបស់សហព័ន្ធកីឡាបាល់ទាត់អាស៊ី ក្នុងទីក្រុងកូឡាឡាំពួរ ប្រទេសម៉ាឡេស៊ី។
ពូល A៖ អ៉ីរ៉ង់,កូរ៉េខាងត្បូង,អារ៉ាប់រួម,អ៉ីរ៉ាក់,ស៊ីរី,លីបង់
ពូល B៖ ជប៉ុន,អូស្រ្ដាលី,អារ៉ាប៊ីសាអូឌីត,ចិន,អូម៉ង់,វៀតណាម
ការប្រកួតវគ្គជម្រុះជុំទី៣ នេះនឹងធ្វើឡើងនៅថ្ងៃទី២ ខែកញ្ញា ឆ្នាំ២០២១ ដល់ថ្ងៃទី២៩ ខែមីនា ឆ្នាំ២០២២ ដោយក្រុមលេខ១និងលេខ២ តាមពូល សរុប៤ ក្រុមមានឈ្មោះតំណាងទ្វីបឡើងទៅប្រកួត វគ្គ៣២ក្រុមចុងក្រោយពានរង្វាន់ 2022 FIFA World Cup Qatar ហើយក្រុមលេខ៣ ទាំង២ពូលត្រូវប្រកួតគ្នារកអ្នកឈ្នះទៅចេញទៅប្រកួតជាមួយក្រុមនៅទ្វីបផ្សេងទៀត ដើម្បីបំពេញ១កៅអីឡើងទៅបន្ត៕
អត្ថបទពាក់ព័ន្ធ៖អាស៊ាន៖អាជ្ញាកណ្ដាលថៃ,ម៉ាឡេស៊ីនិងសិង្ហបុរី កាន់កញ្ចែ៤ប្រកួតនៅជម្រុះ World Cup ប្រចាំទ្វីប