សិល្បៈជាតិ៖ តាមការបង្ហើបរបស់លោក ម៉ែន និមលរ័ត្ន បានឱ្យដឹងថា នៅក្នុងកម្មវិធី « ចូលឆ្នាំបន្ទាយឆ្មារ» ខាងមុខនេះ លោកនឹងដឹកនាំក្រុមបវរកញ្ញា បុរសឯក និង CIM Stars ជាច្រើនដួង ចូលរួមលេងល្បែងកម្សាន្តជាមួយប្រិយមិត្តប្រជាពលរដ្ឋ រយៈពេល ៤ ថ្ងៃពេញតែម្ដង។
នាយកប្រតិបត្តិក្រុមហ៊ុនបង្ហាញម៉ូដ CIM រូបនេះបានបង្ហើបឱ្យដឹងថា បវរកញ្ញា បុរសឯក និង CIM Stars ជាច្រើនដួងនឹងបង្ហាញវត្តមាននៅលើទឹកដីនៃខេត្ត បន្ទាយមានជ័យ នៅក្នុងកម្មវិធី ចូលឆ្នាំបន្ទាយឆ្មារ នាឱកាសពិធីបណ្យចូលឆ្នាំថ្មី ប្រពៃណីជាតិខ្មែរ តាមរយៈចូលរួមលេងល្បែងប្រជាប្រិយ រាំលេងកម្សាន្ត និងកម្មវិធីសប្បាយៗជាច្រើនទៀត។ នៅក្នុងនោះរួមមាន៖
–កញ្ញា ជា ចារ៉ានី Miss International Cambodia 2022
-កញ្ញា ដាំ សុភក្រ្ត័ស៊ីនឌី Miss Earth Cambodia 2021
-កញ្ញា សួន ពិសី Miss Asian Global Cambodia 2023
-កញ្ញា Mai Ya Miss Queen Cambodia 2023
-លោក ធី លុច CIM Stars
-លោក Buncher Both CIM Stars
រួមទាំងតារា CIM Stars ជាច្រើនដួងទៀតចូលរួម។ ប្រិយមិត្តមហាជនអាចចូលរួម ល្បែងប្រជាប្រិយ ទស្សនាការដើរបង្ហាញម៉ូដ ឬការសម្ដែងសមត្ថភាពរបស់បវរកញ្ញា បុរសឯក និង CIM Stars និងរាំកម្សាន្តសប្បាយនាថ្ងៃ«ចូលឆ្នាំបន្ទាយឆ្មារ»។
លើសពីនេះ ក៏មានស្ដង់ពិព័រណ៍ទំនិញដ៏សម្បូរបែប ការបណ្ដែតប្រទីប នៅកសិន្ធប្រាសាទបន្ទាយឆ្មារ, ទស្សនាគុនល្បុក្កតោ, ល្ខោនខោល នៅក្ដារបែនបន្ទាយឆ្មារ និងរីករាយតំបន់ត្រជាក់ចិត្តជាដើម។
សូមជម្រាបថា កម្មវិធី «ចូលឆ្នាំបន្ទាយឆ្មារ» នឹងធ្វើឡើងនៅលើទឹកដីនៃប្រាសាទបន្ទាយឆ្មារ ស្ថិតនៅស្រុកថ្មពួក ខេត្តបន្ទាយមានជ័យ រយៈពេល៤ថ្ងៃ គិតចាប់ពីថ្ងៃទី១៣,១៤,១៥ និង១៦ ខែមេសា ឆ្នាំ២០២៣ ខាងមុខនេះ៕
