សិល្បៈអន្តរជាតិ៖ Taew Natapohn មិនបានចូលរួមក្នុងកម្មវិធីគម្រប់ខួប៥៣ឆ្នាំ របស់ស្ថានីយទូរទស្សន៍ប៉ុស្តិ៍លេខ៣ថៃ ដែលជាកម្មវិធីដ៏ធំប្រចាំហើយតារាកុងត្រាគួរតែមានវត្តមាន ដែលកត្តានេះបង្ករឱ្យមហាជនមានចម្ងល់ថាមូលហេតុអ្វីទើបតារាស្រីជួរមុខប្រចាំប៉ុស្ដិ៍នេះដូចជា Taew បែរជាមិនមកចូលរួម?
ពិតជាធ្វើឱ្យមហាជនមានការសង្ស័យដោយសារនៅក្នុងកម្មវិធី Channel 3 «៥៣ឆ្នាំប៉ុស្ដិ៍លេខ៣ល្អដល់ចិត្ត ឬកម្មវិធីទាត់បាល់ប្រចាំប៉ុស្ដិ៍លេខ៣ ដែលតែងតែរៀបបចំឡើងជារៀងរាល់ឆ្នាំ ហើយរៀបចំនៅកីឡាដ្ឋាន រ៉ាំងស៊ីត កាលពីថ្ងៃទី២៦ ខែមីនា កន្លងទៅនេះ បែរជាអវត្តមាន Taew រហូតមានការសង្ស័យ និងការយល់ឃើញផ្សេងៗគ្នាចំពោះរឿងនេះ។
មិនធ្វើឱ្យអ្នកគាំទ្រមានការសង្ស័យយូរទីបំផុត ស្រីតូចច្រឡឹងរូបនេះបានចេញមកបកស្រាយតាមរយៈ IG ផ្ទាល់ខ្លួនរបស់កញ្ញា @taewaew_natapohn យ៉ាងដូច្នេះថា៖ «សោកស្ដាយណាស់ ឆ្នាំនេះមិនមានឱកាសទៅចូលរួមកម្មវិធីខួបគម្រប់៥២ឆ្នាំរបស់ប៉ុស្ដិ៍លេខ៣ ព្រោះជាធម្មតាមិនដែលខកខានឆ្នាំណាម្ដងនោះឡើយ ចង់ទៅរាំជាមួយគ្រប់ៗគ្នា ទើបឆ្លៀតឱកាសនេះសុំទោសបងៗប្អូនៗមិត្តៗ ថ្នាក់ដឹកនាំនិងអ្នកគាំទ្រគ្រប់គ្នានាខណៈនេះផង ប៉ុន្តែដោយសារតែខ្ញុំកំពុងតែព្យាបាលខ្លួនដោយសារបញ្ហាសុខភាពដែលកើតមានតាំងពីដើមឆ្នាំ ទើបចាំបាច់ត្រូវពេលវេលានេះថែរក្សាសុខភាពខ្លួនឯងជាដំបូង ដើម្បីបានជាសះស្បើយនិងអាចត្រលប់មកបំពេញការងារយ៉ាងពេញទំហឹងម្ដងទៀត»
ជាចុងក្រោយខ្ញុំសូមអរគុណចំពោះកម្លាំងចិត្តពីគ្រួសារ មិត្តភក្ដិ អ្នកជុំវិញខ្លួនដែលស្រលាញ់និងបារម្ភចំពោះខ្ញុំយ៉ាងខ្លាំង ហើយក៏សូមអរគុណចំពោះអ្នកគ្រប់គ្នាដែលយល់ពីខ្ញុំដូចគ្នា