សិល្បៈអន្តរជាតិ៖ បុរសជា Net Idol លើ Tiktok មានកេរ្តិ៍ឈ្មោះល្បីល្បាញដោយសារតែលោកឧស្សាហ៍ចែករំលែកជីវិតប្រចាំថ្ងៃជាមួយភរិយាជាតុក្កតា ដោយថ្មីៗនេះ លោកបានប្រកាសដំណឹងរីករាយស្វាគមន៍កូនទីបីរបស់ខ្លួនជាមួយភរិយា។
អានអត្ថបទ៖ Net Idol បង្ហាញរូបភរិយាពពោះត្រៀមសម្រាលកូន ប៉ុន្តែមហាជនបែរជាព្រឺសំបុរព្រោះភរិយាមិនមែនមនុស្ស
Cristian Montenegro មុននេះល្បីល្បាញខ្លាំងណាស់តាមបណ្ដាញសារព័ត៌មាននានាក្រោយលោកបានទម្លាយផែនការរៀបការជាមួយនឹងសង្សារ Natalia ហើយអ្នកទាំងពីរមានកូនប្រុសស្រីជាមួយគ្នា។ លោកតែងតែបង្ហោះពីទំនាក់ទំនងលោកជាមួយភរិយានៅលើគណនី Tiktok @montbk5959 ហើយថ្មីៗនេះលោកទើបតែធ្វើបច្ចុប្បភាពជីវិតប្រចាំថ្ងៃដោយស្វាគន៍កូនទីបីរបស់ខ្លួនជាមួយភរិយា។
នៅក្នុងឃ្លីបដែលមានចំនួនទស្សនាកើនឡើងដល់៣,៥លានដង លោកបានបង្ហោះពីរូបភាពដែលដូចជាលោកនៅមន្ទីរពេទ្យ ហើយបន្តិចក្រោយមក Natalia បានសម្រាលកូនទីបី ដោយលោកបានប្រើចំណងជើងថា៖ «ស្វាគមន៍Sammy Montenegro»។ នៅក្នុងវីដេអូនោះដែរ បុរសកូឡុំប៊ីរូបនេះ បានស្លៀកពាក់ជារ៉ូបដូចនៅក្នុងមន្ទីរពេទ្យ ចំណែកគូដណ្ដឹងរបស់លោកបានស្លៀករ៉ូបហើយគេងលើគ្រែ មានគ្រូពេទ្យដែលជាតុក្កតាដូចគ្នាជួយសម្រាល។
បណ្ដាអ្នកគាំទ្រដែលតែងតែតាមដានជីវិតស្នេហារវាងមនុស្សនិងតុក្កតា ចេញនាំសម្ដែងការត្រេកអរចំពោះវត្តមានសមាជិកថ្មីនៃគ្រួសារ Montenegro យ៉ាងដូច្នេះ
សូមអបអរសាទរលោកនិងគ្រួសារបស់លោក
ស្វាគមន៍ Sammy
កូនតូចពិតជាស្រស់ស្អាតប្រៀបដូចជាតុក្កតាតូចមួយដូច្នេះដែរ
អ្វីដែលល្អបំផុតគឺក្រុមគ្រូពេទ្យ
ខណៈអ្នកខ្លះទៀតហាក់បញ្ចេញមតិផ្ទុយបែបនេះថា
ខ្ញុំធ្វើមិនបានទេ។ ខ្ញុំខ្លាចផងហើយសើចផងក្នុងពេលជាមួយគ្នា
ប្រុសម្នាក់នេះគួរតែធ្វើជាអ្នកកាត់តនៅក្នុងផលិតកម្ម។ មិនកុហកទេ។
តាមដឹង Cristian បានចាប់ផ្ដើមទាក់ទង Natalia ក្រោយហត់នឿយនឹងភាពនៅលីវរបស់ខ្លួនជាច្រើនឆ្នាំ។ ខណៈដែលលោកត្រៀមរៀបមង្គលការប៉ុន្តែគម្រោងនេះត្រូវបានពន្យាពេលដោយសារតែវត្តមានថ្មីរបស់កូនតូចរបស់ពួកគេ។
កន្លងមកលោកធ្លាប់ប្រឈមនឹងទស្សនៈអវិជ្ជមាននានាជុំវិញទំនាក់ទំនងខុសប្រក្រតីរបស់លោកជាមួយនឹងតុក្កតា ប៉ុន្តែលោកបានឆ្លើយតបវិញថា៖បើសិនមិនមានតុក្កតាទេនោះ ខ្ញុំប្រហែលជាកាន់តែឯកាខ្លាំងថែមទៀត។ តែយ៉ាងហោចណាស់ក៏ខ្ញុំមានអ្វីនឹងគេដែរ។
បុរសកូនសុទ្ធតែជាតុក្កតានេះបានពន្យល់បន្ថែមពីសុភមង្គលដែលលោកទទួលបានក្រោយសាងទំនាក់ទំនងជាមួយ Natalia ដែលជាតុក្កតាថា៖ «នៅជាមួយ Natalia ពួកយើងអង្គុយមើលទូរទស្សន៍ជាមួយគ្នា ហើយជជែកគ្នាពីរឿងរ៉ាវផ្សេងៗ» «ពួកអ្នកទាំងអស់នោះមិនដឹងទេថាខ្ញុំស្រលាញ់នាងខ្លាំងដល់កម្រិតណា»៕
ប្រភព៖ MSN