សមាជិកក្រុមបាល់ទះជម្រើសជាតិកម្ពុជា ផ្នែកបុរសបានធ្វើដំណើរតាមច្រកអាកាសយានដ្ឋានអន្តរជាតិភ្នំពេញ ឆ្ពោះទៅកាន់ប្រទេសម៉ាឡេស៊ីវេលាម៉ោង ២:០០នាទីរសៀល ថ្ងៃអង្គារ ទី២៨ ខែមីនា ឆ្នាំ២០២៣ ដើម្បីចូលរួមប្រកួតពានរង្វាន់បាល់ទះអន្តរជាតិ Tri-Nation Volleyball Cup 2023 ជាមួយក្រុមជម្រើសជាតិម៉ាឡេស៊ី និងសិង្ហបុរី។
តាមប្រសាសន៍លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានប្រាប់អ្នកសារព័ត៌មានថា ការប្រកួតពានរង្វាន់បាល់ទះអន្តរជាតិ Tri-Nation Volleyball Cup 2023 ជាមួយក្រុមជម្រើសជាតិម៉ាឡេស៊ី និងសិង្ហបុរីត្រៀមខ្លួន និងកម្តៅសាច់ដុំ ដើម្បីឆ្ពោះទៅការប្រកួតជាផ្លូវការ ក្នុងនាមជាម្ចាស់ផ្ទះព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជាធ្វើជាម្ចាសផ្ទះ។
កាលវិភាពប្រកួត Tri-Nation Volleyball Cup 2023៖
ថ្ងៃទី២៩ ខែមីនា ឆ្នាំ២០២៣
- ម៉ាឡេស៊ី B ប៉ះ សិង្ហបុរី វេលាម៉ោង ៧:៣០នាទី
- ម៉ាឡេស៊ី A ប៉ះ កម្ពុជា វេលាម៉ោង ៩:៣០នាទី
ថ្ងៃទី៣០ ខែមីនា ឆ្នាំ២០២៣
- កម្ពុជា ប៉ះ សិង្ហបុរី វេលាម៉ោង ៧:៣០នាទី
- ម៉ាឡេស៊ី A ប៉ះ ម៉ាឡេស៊ី B វេលាម៉ោង ៩:៣០នាទី
ថ្ងៃទី៣១ ខែមីនា ឆ្នាំ២០២៣
- កម្ពុជា ប៉ះ ម៉ាឡេស៊ី B វេលាម៉ោង ៧:៣០នាទី
- ម៉ាឡេស៊ី A ប៉ះ សិង្ហបុរី វេលាម៉ោង ៩:៣០នាទី
វគ្គផ្ដាច់ព្រ័ត្រ នៅថ្ងៃទី០១ ខែមេសា ឆ្នាំ២០២៣
តាមគម្រោងការប្រកួតនេះដំណើរការពីថ្ងៃទី២៩ ខែមីនា ដល់ ថ្ងៃទី១ ខែមេសា ឆ្នាំ២០២៣ គឺជាវគ្គផ្ដាច់ព្រ័ត្រ ធ្វើឡើងលើទីលានបាល់ទះ MBSA Indoor Volleyball Hall Section 4 នៅ Shah Alam, Selangor ម៉ាឡេស៊ី៕
