ឧបករណ៍ភ្លេងខ្មែរ៖ ផ្លយ គឺជាឧបករណ៍តន្ត្រីមួយប្រភេទរបស់បងប្អូនជនជាតិភាគតិច ព្នង និង ជង ស្ថិតនៅតំបន់ប៉ែកខាងលិចនៃប្រទេសកម្ពុជា ។
អង្គការសម្ព័ន្ធមិត្តសត្វព្រៃកម្ពុជាបានឲ្យដឹងថា ផ្លយគឺជាឧបករណ៍តន្ត្រីមួយប្រភេទដែលមានសារៈសំខាន់ដល់ប្រពៃណីជនជាតិទាំងពីរនេះ ។ ឧបករណ៍មួយប្រភេទនេះបង្កើតឡើងដោយឃ្លោកគ្រាម និងឫស្សី ដែលជាប្រភពប្រកបដោយនិរន្តរភាពពីព្រៃឈើ ។
ឧបករណ៍តន្ត្រីផ្លយត្រូវបានបង្កើតឡើងវិញជាថ្មីដោយសហគមន៍អេកូទេសចរណ៍តំបន់ស្ទឹងអារ៉ែងរួមជាមួយរថយន្តតន្ត្រីទិព្វខ្មែរ (KMMB) នៃសិល្បៈខ្មែរអមតៈ (CLA) ដោយសហការជាមួយមជ្ឈមណ្ឌលធនធានសោតទស្សន៍បុប្ផាណា ៕
ប្រភព៖ ស្រាវជ្រាវដោយលោក ហ៊ុន សារិន សាស្រ្តាចារ្យសិល្បៈតន្រ្តី