ក្រុមបាល់ទាត់អ៊ីតាលី និងអេស្ប៉ាញ បានកក់កៅអីឡើងទៅលេងវគ្គពាក់កណ្ដាលផ្ដាច់ព្រ័ត្រនៃពានរង្វាន់បាល់ទាត់ជើងឯកទ្វីបអឺរ៉ុប UEFA Euro 2020 ក្រោយយកឈ្នះគូប្រកួតរៀងៗខ្លួននៅយប់ថ្ងៃសុក្រ ចូលថ្ងៃសៅរ៍នេះ ខណៈ២គូទៀតត្រូវប្រកួតបន្តនៅយប់ថ្ងៃសៅរ៍ នេះទៀត។
គូប្រកួតក្នុងវគ្គ៨ក្រុមចុងក្រោយមាន៖
-២ កក្កដា ២០២១ ស្វីស ១-១ (១-៣) អេស្ប៉ាញ
-៣ កក្កដា ២០២១ បែលហ្សិក ១-២ អ៊ីតាលី
-៣ កក្កដា ២០២១ ឆែក Vs ដាណឺម៉ាក ម៉ោង១១យប់
-៤ កក្កដា ២០២១ អ៊ុយក្រែន Vs អង់គ្លេស ម៉ោង២រំលងអាធ្រាត្រ
ចំណែកបញ្ជីអ្នកទាត់បាល់បញ្ជូលទីបានច្រើនគ្រាប់ជាងគេគឺកីឡាករ Cristiano Ronaldo របស់ព័រទុយហ្គាល់ រកបាន៥គ្រាប់ម្នាក់ឯង បើទោះជាក្រុមនេះបានធ្លាក់ចេញតាំងពីវគ្គ១៦ក្រុមចុងក្រោយហើយក្ដី។
ពានរង្វាន់នេះបង្កើតឡើងតាំងពីឆ្នាំ១៩៦០ ស្របពេលក្រុមអេស្ប៉ាញ និងអេស្ប៉ាញ ឈ្នះជើងឯកបានច្រើនជាងគេគឺរហូត៣ដងម្នាក់ ខណៈក្រុមព័រទុយហ្គាល់ ជាក្រុមជើងឯកឆ្នាំចាស់។
ពានរង្វាន់ UEFA Euro 2020 រៀបចំឡើងនៅ១១ប្រទេសផ្សេងគ្នាដោយសារតែស្ថានភាពកូវីដ-១៩ ចាប់ពីថ្ងៃទី១១ខែមិថុនា ដល់ថ្ងៃទី១១ ខែកក្កដា ឆ្នាំ២០២១ មាន២៤ក្រុមចូលរួមចែកជា៦ពូល ក្នុង១ពូលមាន៤ក្រុម។ ក្រុមទាំងអស់ចម្រាញ់យក១៦ក្រុមចុងក្រោយឡើងទៅវគ្គបន្ត ហើយប្រកួតគ្នាជម្រុះរហូតដល់វគ្គផ្ដាច់ព្រ័ត្រ៕
