ពានរង្វាន់បាល់ទាត់ជើងឯកប្រចាំទ្វីបអាមេរិកខាងត្បូង 2021 Copa América កំពុងដំណើរការប្រកួតវគ្គ៨ក្រុមចុងក្រោយ ដែលធ្វើឡើងនៅប្រទេសប្រទេសប្រេស៊ីល ដែលជាទឹកដីកណ្ដាល ខណៈក្រុមម្ចាស់ផ្ទះប្រេស៊ីល និងក្រុមប៉េរ៉ូ សុទ្ធតែមានឱកាសឡើងទៅវគ្គពាក់កណ្ដាលផ្ដាច់ព្រ័ត្រមុនគេដូចគ្នា។
លទ្ធផលវគ្គ៨ក្រុមចុងក្រោយ៖
-ប៉េរូ ៣-៣ (៤-៣) ប៉ារ៉ាហ្គាយ
-ប្រេស៊ីល ១-០ ស៊ីលី
គូប្រកួតវគ្គ៨ក្រុមចុងក្រោយបន្តទៀតធ្វើនៅព្រឹកថ្ងៃអាទិត្យ មាន៖
-អ៊ុយរុយហ្គាយ Vs កូឡុំប៊ី ម៉ោង៥ព្រឹក
-អាហ្សង់ទីន Vs អេក្វាឌ័រ ម៉ោង៨ព្រឹក
គិតត្រឹមពេលនេះអ្នកទាត់បាល់បញ្ចូលទីបានច្រើនជាងគេគឺ Leonel Messi របស់អាហ្សង់ទីន រកបាន៣គ្រាប់ម្នាក់ឯង ខណៈកីឡាករ៩រូបផ្សេងៗរកបានត្រឹមក្រោម២គ្រាប់តាមពីក្រោយ។
បើតាមការកំណត់របស់គណៈកម្មការប្រកួតក្រុមលេខ១ដល់លេខ៤តាមពូលនីមួយៗមានឈ្មោះឡើងទៅជុំបន្ត ខណៈព្រឹត្តិការណ៍នេះមានក្រុមចូលរួមចំនួន១០ក្រុម បែងចែកជា២ពូល នឹងចាប់ផ្ដើមពីថ្ងៃទី១៣ ខែមិថុនា ដល់ថ្ងៃទី១០ ខែកក្កដា ឆ្នាំ២០២១។ ពូល A អាហ្សង់ទីន,បូលីវី,អ៊ុយរុយហ្គាយ,ប៉ារ៉ាហ្គាយ ចំណែកពូល B កូឡុំប៊ី,ប្រេស៊ីល,វេណេហ្ស៊ុយអេឡា,អេក្វាទ័រ និងប៉េរូ។
ពានរង្វាន់ Copa America រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក៕