ភ្នំពេញក្រោន និង វិសាខា បន្តឈ្នះគ្រប់ការប្រកួត គិតត្រឹមសប្ដាហ៍ទី៦ នៃពានរង្វាន់ Cambodian League Cup រដូវកាល ២០២៣ ក្នុងចំណោមក្រុមចំនួន ១៤ដែលបានចូលរួមប្រជែង គិតត្រឹម៣២ប្រកួតមកនេះ មានការទាត់បាល់បញ្ជូលទីគ្នាទៅមកកើនរហូតដល់ ១២៥គ្រាប់។
វិសាខា រកបាន ១១គ្រាប់ ឆ្លងកាត់ ៥ប្រកួត
- ប្រកួតទី១៖ វិសាខា ២-១ ព្រៃវែង នៅកីឡដ្ឋាន AIA KMH Park
- ប្រកួតទី២៖ វិសាខា ៣-០ បឹងកេត នៅកីឡដ្ឋាន ខេមបូឌាអ៊ែវ៉េ
- ប្រកួតទី៣៖ វិសាខា ២-០ គិរីវង់ នៅកីឡដ្ឋាន AIA KMH Park
- ប្រកួតទី៤៖ វិសាខា ៣-០ កងយោធពលខេមរភូមិន្ទ នៅកីឡដ្ឋាន ខ.ភ.ម
- ប្រកួតទី៤៖ វិសាខា ១-០ កោះកុង នៅកីឡដ្ឋានខេត្តកោះកុង
ភ្នំពេញក្រោន រកបាន ១៤គ្រាប់ ឆ្លងកាត់ ៥ប្រកួត
- ប្រកួតទី១៖ ភ្នំពេញក្រោន ២-០ សូលទីឡូអង្គរ នៅកីឡដ្ឋាន ស្មាត អ អេស អិន
- ប្រកួតទី២៖ ភ្នំពេញក្រោន ១-០ ព្រះខ័នរាជស្វាយរៀង នៅកីឡដ្ឋាន ខ.ភ.ម
- ប្រកួតទី៣៖ ភ្នំពេញក្រោន ៨-១ អង្គរថាយហ្គឺរ នៅកីឡដ្ឋាន ស្មាត អ អេស អិន
- ប្រកួតទី៤៖ ភ្នំពេញក្រោន ២-១ ណាហ្គាវើលដ៏ នៅកីឡដ្ឋាន ខេត្តកំពង់ស្ពឺ
- ប្រកួតទី៥៖ ភ្នំពេញក្រោន ១-០ អាយ អេស អាយ ដង្កោសែនជ័យ នៅកីឡដ្ឋាន AIA KMH Park
លទ្ធផលប្រកួតសប្ដាហ៍ទី៦
ខណ:ណាហ្គាវើលដ៍ ក៏ជាក្រុមដែលមិនទាន់ស្គាល់ពាក្យថាចាញ់ដូចគ្នា ឆ្លងកាត់៤ប្រកួតកន្លងមករកបាន ១២គ្រាប់ ឈ្នះនគរបាលជាតិ ៣-០, ឈ្នះ ISI ដង្កោសែនជ័យ ៣-១, ឈ្នះសូលទីឡូអង្គរ ៦-០ និងស្មើជាមួយព្រះខ័នរាជស្វាយរៀង។
ដោយឡែកសម្រាប់អង្គរថាយហ្គឺរ គឺជាក្រុមតែមួយគត់ដែលមិនទាន់រកជ័យជម្នះបាន នៅក្នុងការប្រកួតពានរង្វាន់ Cambodian League Cup 2023 ឆ្លងកាត់ការប្រកួតចំនួន ៦សប្ដាហ៍មកនេះ ដោយឆ្លងកាត់៥ប្រកួត ចាញ់៤ និងស្មើ១ ស៊ុតបញ្ចូលទីគេបាន៤គ្រាប់ និងត្រូវគេស៊ុតចូលទីវិញ១៩គ្រាប់៕