នៅល្ងាចថ្ងៃទី៥ ខែមីនា ឆ្នាំ២០២៣ សារព័ត៌មាន «ត្រយង» នឹងផ្សាយក្រុមបាល់ទះជម្រើសជាតិកម្ពុជា នឹងប្រកួតមិត្តភាពអន្តរជាតិទល់ក្រុមដ៏ខ្លាំងដែលពោរពេញដោយបទពិសោធន៍ខ្ពស់ ពីប្រទេសចិន ក្នុងវិញ្ញាសារបាល់ទះក្នុងសាល នៅពហុកីឡដ្ឋានជាតិអូឡាំពិក វេលាម៉ោង ១៨:០០នាទីល្ងាចតទៅ។
សហព័ន្ធកីឡាបាល់ទះកម្ពុជា បានសម្រេចបើកឱ្យភ្ញៀវទាំងជាតិ និងអន្តរជាតិ ចូលទស្សនាដោយសេរី ក្នុងការប្រកួតមិត្តភាពអន្តរជាតិ រវាងក្រុមជម្រើសជាតិកម្ពុជា និងក្លិបបាល់ទះសានតុង នៅថ្ងៃទី៥ និងថ្ងៃទី៧ ខែមេសា ឆ្នាំ២០២៣ ទាំងឆ្នេរខ្សាច់ និងក្នុងសាល។
បញ្ជាក់÷សម្រាប់ភ្ញៀវជាតិ និងអន្តរជាតិដែល បានទិញសំបុត្ររួចអាចមកទទួលប្រាក់ថ្លៃលក់សំបុត្រវិញដោយយកសំបុត្របានទិញរួចភ្ជាប់មកជាមួយ។
ដោយឡែកកាលពីព្រឹកថ្ងៃទី៥ ខែមេសា ក្រុមបាល់ទះឆ្នេរខ្សាច់ជម្រើសជាតិកម្ពុជា បានយកឈ្នះក្រុមបាល់ទះឆ្នេរខ្សាច់ខេត្តសានតុង ប្រទេសចិន ក្នុងជំនួបមិត្តភាពអន្តរជាតិ ជើងទី១ នៅពហុកីឡដ្ឋានជាតិអូឡាំពិក។
លទ្ធផលជ័យជម្នះរបស់ក្រុមបាល់ទះឆ្នេរខ្សាច់ជម្រើសជាតិកម្ពុជា ទល់នឹង ក្រុមបាល់ទះឆ្នេរខ្សាច់ខេត្តសានតុង ប្រទេសចិន មាន៖
–ក្រុមបាល់ទះជម្រើសជាតិកម្ពុជា A ឈ្នះក្លិបសានតុង A (ចិន) ក្នុងលទ្ធផល ២សិត ទល់និង១ (២១-១៧, ១៨-២១, ១៦-១៤)
-ក្រុមបាល់ទះជម្រើសជាតិកម្ពុជា B ឈ្នះក្លិបសានតុង B (ចិន) ក្នុងលទ្ធផល ២សិតទល់និង០ (២១-១១, ២១-៤)៕
សូមបញ្ជាក់ថាក្រុមជម្រើសជាតិបាល់ទះកម្ពុជា កំពុងតែត្រៀមខ្លួន និងកម្តៅសាច់ដុំ ដើម្បីឆ្ពោះទៅការប្រកួតជាផ្លូវការ ក្នុងនាមជាម្ចាស់ផ្ទះព្រឹត្តិការណ៍កីឡាស៊ីហ្គេម លើកទី៣២ ដែលធ្វើឡើងលើទីលានបាល់ទះពហុកីឡដ្ឋានជាតិមរតតេជោ ក្នុងរាជធានីភ្នំពេញ ខាងមុខ៕