ក្រុមបាល់ទះឆ្នេរខ្សាច់ជម្រើសជាតិកម្ពុជា បានយកឈ្នះក្រុមបាល់ទះឆ្នេរខ្សាច់ខេត្តសានតុង ប្រទេសចិន ក្នុងជំនួបមិត្តភាពអន្តរជាតិ ជើងទី១ នាព្រឹកថ្ងៃទី០៥ ខែមេសា ឆ្នាំ២០២៣ នៅពហុកីឡដ្ឋានជាតិអូឡាំពិក។
លទ្ធផលជ័យជម្នះរបស់ក្រុមបាល់ទះឆ្នេរខ្សាច់ជម្រើសជាតិកម្ពុជា ទល់នឹង ក្រុមបាល់ទះឆ្នេរខ្សាច់ខេត្តសានតុង ប្រទេសចិន មាន៖
- ក្រុមបាល់ទះជម្រើសជាតិកម្ពុជា A ឈ្នះក្លិបសានតុង A (ចិន) ក្នុងលទ្ធផល ២សិត ទល់និង១ (២១-១៧, ១៨-២១, ១៦-១៤)
- ក្រុមបាល់ទះជម្រើសជាតិកម្ពុជា B ឈ្នះក្លិបសានតុង B (ចិន) ក្នុងលទ្ធផល ២សិតទល់និង០ (២១-១១, ២១-៤)
ខណ:ល្ងាចនេះ ក្រុមបាល់ទះជម្រើសជាតិកម្ពុជា ក្នុងសាល នឹងត្រូវប្រកួតមិត្តភាពអន្តរជាតិ ជាមួយក្លិបកីឡាបាល់ទះសានតុង ប្រទេសចិន ចាប់ពីម៉ោង ១៨:០០នាទីតទៅ នៅពហុកីឡដ្ឋានជាតិអូឡាំពិក។ ដោយឡែកសម្រាប់កាលវិភាគប្រកួតមិត្តភាពអន្តរជាតិ វិញ្ញាសាបាល់ទះឆ្នេរខ្សាច់ និងក្នុងសាល ជើងទី២ នឹងត្រូវធ្វើឡើងនៅថ្ងៃទី០៧ ខែមេសា ឆ្នាំ២០២៣ វេលាម៉ោង ១៤:០០នាទីរសៀល នៅពហុកីឡដ្ឋានជាតិអូឡាំពិក។
សហព័ន្ធកីឡាបាល់ទះកម្ពុជាសម្រេចបើកឱ្យភ្ញៀវជាតិ អន្តរជាតិ ចូលទស្សនាដោយសេរី ក្នុងការប្រកួតមិត្តភាពអន្តរជាតិ រវាងក្រុមជម្រើសជាតិកម្ពុជា និងក្លិបបាល់ទះសានតុង៕
