សហព័ន្ធកីឡាបាល់ទាត់កម្ពុជា នៅថ្ងៃទី០៥ ខែមេសា ឆ្នាំ២០២៣នេះ បានធ្វើការចាប់ឆ្នោតក្រុមកីឡា វិញ្ញាសាបាល់ទាត់បុរសអាយុក្រោម២២ឆ្នាំបុរស និងវិញ្ញាសាបាល់ទាត់នារី ដែលនឹងចូលរួមប្រកួតនៅក្នុងព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ដែលកម្មវិធីចាប់ឆ្នោតនេះធ្វើឡើងនៅក្នុងពហុកីឡដ្ឋានជាតិមរតកតេជោ។
ក្រុមបាល់ទាត់ជម្រើសជាតិបុរសអាយុក្រោម២២ឆ្នាំ
- ពូល A មាន៖ កម្ពុជា, ឥណ្ឌូនេស៊ី, មីយ៉ាន់ម៉ា, ហ្វីលីពីន, ទីម័រឡេស្តេ
- ពូល B មាន៖ វៀតណាម,ថៃ, សិង្ហបុរី, ម៉ាឡេស៊ី, ឡាវ
ក្រុមបាល់ទាត់ជម្រើសជាតិនារី
- ពូល A មាន៖ វៀតណាម, ហ្វីលីពីន, មីយ៉ាន់ម៉ា, ម៉ាឡេស៊ី , ឥណ្ឌូនេស៊ី
- ពូល B មាន៖ កម្ពុជា, ថៃ, សិង្ហបុរី, ឡាវ
សម្រាប់កាលវិភាគប្រកួតបាល់ទាត់ ផ្នែកបុរស និងផ្នែកនារី នៅក្នុងព្រឹត្តិការណ៍ស៊ីហ្គេម លើកទី៣២ នឹងត្រូវធ្វើឡើងមុនពិធីបើកព្រឹត្តិការណ៍ស៊ីហ្គេម ក្នុងនោះវិញ្ញាសាបាល់ទាត់ ផ្នែកបុរស និងផ្នែកនារី នឹងចាប់ផ្ដើមប្រកួតដំណាលគ្នាចាប់ពីថ្ងៃទី២៩ ខែមេសា រហូតដល់ថ្ងៃទី ១៦ ខែឧសភា ឆ្នាំ២០២៣។
គួរដឹងថាព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជា ទទួលរៀបចំធ្វើជាម្ចាស់លើកដំបូងក្នុងរយ:ពេល ៦៤ឆ្នាំ នឹងប្រព្រឹត្តទៅចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ ខណ:កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នឹងចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕