ពិធីចាប់ឆ្នោតវិញ្ញាសាបាល់ទះផ្នែកបុរស និងនារី ក្នុងសាល ដែលនឹងចូលរួមប្រកួតនៅក្នុងព្រឹត្តិការណ៍ស៊ី ហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ បានធ្វើការបែងចែករួចរាល់ហើយនៅរសៀលថ្ងៃទី០៥ ខែមេសា ឆ្នាំ២០២៣នេះ។
ក្នុងនោះ វិញ្ញាសាបាល់ទះផ្នែកបុរស ក្នុងសាលមានចំនួន ៧ប្រទេសចូលរួមមានម្ចាស់ផ្ទះ កម្ពុជា, ឥណ្ឌូនេស៊ី, មីយ៉ាន់ម៉ា, វៀតណាម, ថៃ, សិង្ហបុរី, ម៉ាឡេស៊ី និងត្រូវចែកជា ២ពូលដូចខាងក្រោម៖
- ពូល A មាន៖ ឥណ្ឌូនេស៊ី, កម្ពុជា, សិង្ហបុរី
- ពូល B មាន៖ វៀតណាម, ថៃ, ម៉ាឡេស៊ី, មីយ៉ាន់ម៉ា
វិញ្ញាសាបាល់ទះផ្នែកនារី ក្នុងសាលមានចំនួន ៨ប្រទេសចូលរួមមានម្ចាស់ផ្ទះ កម្ពុជា, ឥណ្ឌូនេស៊ី, មីយ៉ាន់ម៉ា, ហ្វីលីពីន, វៀតណាម, ថៃ, សិង្ហបុរី, ម៉ាឡេស៊ី និងត្រូវចែកជា ២ពូលដូចខាងក្រោម៖
- ពូល A មាន៖ ថៃ, ឥណ្ឌូនេស៊ី, មីយ៉ាន់ម៉ា, ម៉ាឡេស៊ី
- ពូល B មាន៖ វៀតណាម, កម្ពុជា, ហ្វីលីពីន, សិង្ហបុរី
ព្រឹត្តិការណ៍កីឡាស៊ីហ្គេម លើកទី៣២ ដែលកម្ពុជា ទទួលរៀបចំធ្វើជាម្ចាស់លើកដំបូងក្នុងរយ:ពេល ៦៤ឆ្នាំ នឹងប្រព្រឹត្តទៅចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ ខណ:កីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ នឹងចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕