ជំនួបប្រកួតមិត្តភាពអន្តរជាតិក្រុមបាល់ទះជម្រើសជាតិកម្ពុជា ក្នុងសាល បានយកឈ្នះក្រុមបាល់ទះសានតុង ប្រទេសចិន ក្នុងលទ្ធផល ៣ទល់និង១ ក្នុងជំនួបជើងទី១ កាលពីយប់ថ្ងៃទី០៥ ខែមេសា ឆ្នាំ២០២៣ នៅពហុកីឡដ្ឋានជាតិអូឡាំពិក។
លទ្ធផលជ័យជម្នះរបស់ក្រុមបាល់ទះជម្រើសជាតិកម្ពុជា
- សិតទិ១៖ ក្រុមបាល់ទះជម្រើសជាតិកម្ពុជា ២១-២៥ ក្រុមបាល់ទះខេត្តសានតុង
- សិតទិ២៖ ក្រុមបាល់ទះជម្រើសជាតិកម្ពុជា ២៥-១៥ ក្រុមបាល់ទះខេត្តសានតុង
- សិតទិ៣៖ ក្រុមបាល់ទះជម្រើសជាតិកម្ពុជា ២៥-១៧ ក្រុមបាល់ទះខេត្តសានតុង
- សិតទិ៤៖ ក្រុមបាល់ទះជម្រើសជាតិកម្ពុជា ២៥-១៩ ក្រុមបាល់ទះខេត្តសានតុង
ចំណែកលទ្ធផលជ័យជម្នះរបស់ក្រុមបាល់ទះឆ្នេរខ្សាច់ជម្រើសជាតិកម្ពុជា
- ក្រុមបាល់ទះជម្រើសជាតិកម្ពុជា A ឈ្នះក្លិបសានតុង A (ចិន) ក្នុងលទ្ធផល ២សិត ទល់និង១ (២១-១៧, ១៨-២១, ១៦-១៤)
- ក្រុមបាល់ទះជម្រើសជាតិកម្ពុជា B ឈ្នះក្លិបសានតុង B (ចិន) ក្នុងលទ្ធផល ២សិតទល់និង០ (២១-១១, ២១-៤)។
សម្រាប់ជំនួបជើងទី២ ក្រុមបាល់ទះជម្រើសជាតិកម្ពុជា ទល់នឹង ក្រុមបាល់ទះខេត្តសានតុង ប្រទេសចិន នៅថ្ងៃទី០៧ ខែមេសា ឆ្នាំ២០២៣ ទីតាំងនៅពហុកីឡដ្ឋានជាតិអូឡាំពិក៖
- ក្រុមបាល់ទះឆ្នេរខ្សាច់ជម្រើសជាតិកម្ពុជា ទល់នឹង ក្រុមបាល់ទះឆ្នេរខ្សាច់ខេត្តសានតុង ប្រទេសចិន ប្រកួតចាប់ពីម៉ោង ០២:០០នាទី រសៀលតទៅ។
- ក្រុមបាល់ទះក្នុងសាលជម្រើសជាតិកម្ពុជា ទល់នឹង ក្រុមបាល់ទះក្នុងសាលខេត្តសានតុង ប្រទេសចិន ប្រកួតចាប់ពីម៉ោង ០៦:០០នាទី តទៅ។
គួរបញ្ជាក់ថា សហព័ន្ធកីឡាបាល់ទះកម្ពុជា បានសម្រេចបើកឱ្យភ្ញៀវទាំងជាតិ និងអន្តរជាតិ ចូលទស្សនាដោយសេរី ក្នុងការប្រកួតមិត្តភាពអន្តរជាតិ រវាងក្រុមជម្រើសជាតិកម្ពុជា និងក្លិបបាល់ទះសានតុង នៅថ្ងៃទី៥ និងថ្ងៃទី៧ ខែមេសា ឆ្នាំ២០២៣ ទាំងឆ្នេរខ្សាច់ និងក្នុងសាល៕