ពានរង្វាន់បាល់ទាត់ធំប្រចាំទ្វីបអាមេរិកខាងត្បូង 2021 Copa América បានរកឃើញក្រុមឡើងដល់វគ្គពាក់កណ្ដាលផ្ដាច់ព្រ័ត្រអស់ហើយ ខណៈបេក្ខភាពចុងក្រោយគឺក្រុមបាល់ទាត់ជម្រើសជាតិអាហ្សង់ទីន និងកូឡុំប៊ី។
ដូច្នេះលទ្ធផលប្រកួតវគ្គ៨ក្រុមចុងក្រោយនៅព្រឹកនេះមាន៖
-អ៊ុយរុយហ្គាយ ០-០ (២-៤) កូឡុំប៊ី
-អាហ្សង់ទីន ៣-០ អេក្វាឌ័រ
អត្ថបទពាក់ព័ន្ធ៖Copa América៖ប្រេស៊ីល ដឹកដៃប៉េរូ ឡើងវគ្គពាក់កណ្ដាលផ្ដាច់ព្រ័ត្រ (វីដេអូ)
សម្រាប់គូប្រកួតវគ្គពាក់កណ្ដាលផ្ដាច់ព្រ័ត្រមាន៖
-៦ កក្កដា ២០២១ – ប្រេស៊ីល Vs ប៉េរូ – ៦ព្រឹក
-៧ កក្កដា ២០២១ – កូឡុំប៊ី Vs អាហ្សង់ទីន – ៨ព្រឹក
ក្នុងជ័យជម្នះ៣ទល់០ របស់អាហ្សង់ទីន ព្រឹកមិញនេះ កីឡាករ Leonel Messi បានបន្ថែមគ្រាប់បាល់១គ្រាប់ទៀត ធ្វើឱ្យចំនួនកើនឡើងដល់ទៅ៤ គ្រាប់ម្នាក់ឯង ច្រើនជាងកីឡាករដទៃក្នុងបញ្ជី អ្នកទាត់បាល់បញ្ចូលទីបានច្រើនជាងគេ។
ពានរង្វាន់ 2021 Copa América មានក្រុមចូលរួមចំនួន១០ក្រុម បែងចែកជា២ពូល ចាប់ផ្ដើមប្រកួតពីថ្ងៃទី១៣ ខែមិថុនា ដល់ថ្ងៃទី១០ ខែកក្កដា ឆ្នាំ២០២១ ហើយក្រុមលេខ១ដល់លេខ៤តាមពូលនីមួយៗមានឈ្មោះឡើងទៅជុំបន្ត ខណៈក្នុងវគ្គជម្រុះតាមពូលមាន ពូល A អាហ្សង់ទីន,បូលីវី,អ៊ុយរុយហ្គាយ,ប៉ារ៉ាហ្គាយ ចំណែកពូល B កូឡុំប៊ី,ប្រេស៊ីល,វេណេហ្ស៊ុយអេឡា,អេក្វាទ័រ និងប៉េរូ។
ពានរង្វាន់ Copa America រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក៕