ណាហ្គាវើលដ៍ ក្រោមការដឹកនាំរបស់លោក ឃឹម បូរី ឆ្លងកាត់ ៦ប្រកួត ឈ្នះ៤ ស្មើ១ ចាញ់១ រកបាន ២០គ្រាប់ ដឹកដៃក្រុមខ្លាំង មានដូចជា វិសាខា, ភ្នំពេញក្រោន, និង គិរីវង់សុខសែនជ័យ ឡើងទៅកាន់វគ្គពាក់កណ្ដាលផ្ដាច់ព្រ័ត្រ។
លោក ឃឹម បូរី គ្រូបង្គោលរបស់ក្លិបបាល់ទាត់ណាហ្គាវើលដ៍ បានលើកឡើងថា៖ «ឆ្លងកាត់ការប្រកួតវគ្គជម្រុះក្នុងបូលកន្លងមកក្រុមភ្នំពេញក្រោន គឺជាក្រុមដែលមានការប្រកួតដ៏តានតឹងសម្រាប់ពួកយើង។ យើងដឹងហើយ ភ្នំពេញក្រោនគឺជាក្រុមដែលការពារតំណែងជើងឯក ដូចនេះការប់ះគ្នាកន្លងមកវាពិតជាពិបាល់សម្រាប់ពួកយើង»។
រំលឹកថា ក្រោយបញ្ជប់វគ្គជម្រុះក្នុងពូល ក្លិបបាល់ទាត់ណាហ្គាវើលដ៍ គឺជាក្រុមដែលទាត់បញ្ជូនទីគូប្រកួតបានច្រើនជាងគេ គិតត្រឹមវគ្គជម្រុះក្នុងពូល ដោយ រកបាន ២០គ្រាប់ ឆ្លងកាត់ ៦ប្រកួត ឈ្នះ៤(នគបាលជាតិ, អាយ អេស អាយ ដង្កោសែនជ័យ, សូលទីឡូអង្គរ, អង្គរថាយហ្គឺរ) ចាញ់១ (ភ្នំពេញក្រោន) ស្មើ១ (ព្រះខ័នរាជស្វាយរៀង)។
ខណ: ភ្នំពេញក្រោន ក្រោមការដឹកនាំរបស់លោក Oleg Starynskyi ឆ្លងកាត់ ៦ប្រកួត ឈ្នះទាំង៦ប្រកួត រកបាន ១៧គ្រាប់។ វិសាខា ក្រោមការដឹកនាំរបស់លោក Simon McMenemy ឆ្លងកាត់ ៦ប្រកួត ឈ្នះទាំង ៦ប្រកួត រកបាន ១៦គ្រាប់។ គិរីវង់ សុខសែនជ័យ ក្រោមការដឹកនាំរបស់លោក សាប៊ូន វិនតា ឆ្លងកាត់ ៦ប្រកួត ឈ្នះ៣ ស្មើ២ ចាញ់១ រកបាន ៩គ្រាប់ គិតត្រឹមវគ្គជម្រុះក្នុងពូល ក្នុងចំណោមក្រុមចំនួន ១៤ដែលបានចូលរួមប្រជែង៕
សម្រាប់កាលវិភាគវគ្គពាក់កណ្តលផ្តាច់ព្រ័ត្រ ជើងទី១ និងទី២ មានដូចខាងក្រោម៖
