អ្នកនាង ពេជ្រ សូលីកា តារាចម្រៀងប្រចាំផលិតកម្មហង្សមាស នៅថ្ងៃទី ៥ ខែកក្កដា នេះបានចេញមកប្រកាសសារបន្ទាន់ឱ្យអ្នកគាំទ្រប្រញាប់ Unfollow គណនី IG របស់អ្នកនាងដែលមានឈ្មោះជាភាសាអង់គ្លេស Pich_Solikah ជាបន្ទាន់ដោយសារតែពេលនេះជនអនាមិកបានចូលទៅគ្រប់គ្រង (HacK) បាត់ទៅហើយ។់
អ្នកម៉ាក់វ័យក្មេង បានប្រកាសដំណឹងនេះនៅលើផេកហ្វេសប៊ុកផ្លូវការរបស់ខ្លួន ដោយបានបញ្ជាក់ដែរថា Account IG ដែលត្រូវគេជនខិលខូច លួចយកទៅនោះមានចំនួន Follower រហូតដល់ 952K Follow។ មិនចង់ឱ្យអ្នកគាំទ្រចាញ់បោកនិងខាតប្រយោជន៍អ្នកនាង ពេជ្រ សូលីកា បានបញ្ជាក់ក្នុងសេចក្ដីជូនដំណឹងនោះ ដោយឱ្យអ្នកដែលធ្លាប់បាន Follow Acount IG ចាស់របស់អ្នកនាងធ្វើការ Unfollow ជាបន្ទាន់ ដើម្បីចៀសវាងមានបញ្ហាណាមួយកើតឡើង ពិសេសអ្នកនាងបានឆ្លៀតស្នើឱ្យអ្នកគាំទ្រជួយតាម Follow គណនី IG ថ្មីរបស់អ្នកនាងឈ្មោះ Pich.Solikah ផងដែរ។
នេះមិនមែនជាលើកទីមួយឡើយដែលបុគ្គលល្បីៗ ដូចជាតារាសម្ដែង តារាចម្រៀង ឬ YouTube ត្រូវបានជនខិលខូចលួចយក គណនី Facebook ឬ IG ទៅគ្រប់គ្រង នឹងប្រើប្រាស់ក្នុងអំពើទុច្ចរិតណាមួយនោះ ដូច្នេះហើយទើបតារាទាំងអស់តែងតែចេញមកប្រកាសឱ្យបងប្អូន មិត្តភក្ដិ និង អ្នកគាំទ្របានដឹងចៀសវាងចាញ់បោក បណ្ដាលឱ្យខាងបង់ទ្រព្យសម្បត្តិដោយប្រការណាមួយ៕
