សិល្បៈជាតិ៖ យោងតាមការប្រកាសរបស់ផលិតកម្ម K’ve entertainment នៅលើបណ្ដាញសង្គមផ្លូវការរបស់ខ្លួនបានជម្រាបជូនសាធារណជន ជាពិសេសយុវជនដែលស្រលាញ់ការរាំនិងច្រៀងចង្វាក់ K-POP ឱ្យត្រៀមខ្លួនបង្ហាញសមត្ថភាព នៅក្នុងកម្មវិធី 𝟐𝟎𝟐𝟑 𝐊-𝐏𝐎𝐏 𝐖𝐨𝐫𝐥𝐝 𝐅𝐞𝐬𝐭𝐢𝐯𝐚𝐥 ខាងមុខនេះ។
កម្មវិធី 𝟐𝟎𝟐𝟑 𝐊-𝐏𝐎𝐏 𝐖𝐨𝐫𝐥𝐝 𝐅𝐞𝐬𝐭𝐢𝐯𝐚𝐥- Cambodia Preliminary នឹងរៀបចំឡើងនៅលើទឹកដីអច្ឆរិយៈនៃ ខេត្តសៀមរាប។ កម្មវិធីដ៏រំភើបសប្បាយរីករាយនេះនឹងផ្ដល់ឱកាសដល់យុវជនយុវតី បានបង្ហាញសមត្ថភាពនិងទេពកោសល្យរបស់ខ្លួនតាមរយៈការច្រៀង និងរាំជាដើម។ នេះគឺជាឱកាសដ៏ល្អមួយសម្រាប់អ្នកគាំទ្រតន្ត្រី K-POP ទាំងអស់ ចូលរួមប្រកួតដើម្បីសម្រេចក្ដីសុបិនរបស់ខ្លួន។
សូមជម្រាបថាការប្រកួតច្រៀងនិងរាំនេះ អ្នកប្រកួតអាចជ្រើសរើសច្រៀង រាំ ទោល ឬច្រៀង រាំ ជាក្រុមបានអាស្រ័យលើការស្ម័គ្រចិត្តរបស់បេក្ខជនចូលរួមប្រកួត។ សម្រាប់អ្នកមានចំណាប់អារម្មណ៍អាចទាក់ទងសារព័ត៌មានបន្ថែមតាមរយៈ អ៊ីម៉ែល៖ siemreap@mofa.go.kr ហ្វេសប៊ុក K’ve Entertainment និងទូរស័ព្ទលេខ 012-465-988 ពីថ្ងៃ (ចន្ទ-សៅរ៍ ចាប់ពីម៉ោង១០ព្រឹក-១០យប់)។
កាលបរិចេ្ឆទប្រកួតនឹងប្រព្រឹត្តិឡើងនៅថ្ងៃទី២ ខែឧសភា ឆ្នាំ២០២៣ នេះ នា Hall Angkor Coex-Event ក្នុងខេត្តសៀមរាប៕
