កីឡាការិនី ហួត គីមហុង ដែលសិក្សា និងលេងបាល់ទាត់នៅសហរដ្ឋអាមេរិក Bryant and Stratton College ពេលនេះបានវិលត្រលប់មកចូលរួមជួយក្រុមនារីជម្រើសជាតិកម្ពុជា ក្នុងព្រឹត្តិការណ៍កីឡាសុីហ្គេម លើកទី៣២ ក្នុងឱកាសដែលកម្ពុជាធ្វើជាម្ចាស់ផ្ទះ។
ហួត គីមហុង ធ្លាប់ជាកីឡាការិនីឆ្នើមរបស់ក្លិបបាល់ទាត់ភ្នំពេញក្រោន និងជាប់ជម្រើសជាតិនារីកម្ពុជា និងស៊ុតបញ្ចូលទី៦គ្រាប់ម្នាក់ឯង ពេលឈ្នះទីម័រខាងកើត ១២-០ ក្នុងព្រឹត្តិការណ៍ AFF Women’s Championship 2018។
គួរដឹងថាកាលពីរាត្រីថ្ងៃទី២៤ ខែមេសា ក្រុមជម្រើសជាតិនារីកម្ពុជា បានវិលត្រលប់មកមាតុភូមិវិញ ក្រោយបានចំណាយពេលហាត់អស់រយៈពេល ៦ខែ នៅសាធារណរដ្ឋប្រជាមានិតចិន ដើម្បីត្រៀមសម្រាប់ការប្រកួតកីឡាសុីហ្គេម លើកទី៣២ ឆ្នាំ២០២៣។
ក្រុមបាល់ទាត់ជម្រើសជាតិនារី នឹងត្រូវប្រកួតបើកឆាក ប៉ះឡាវ ថ្ងៃទី៣ ខែឧសភា ឆ្នាំ២០២៣ នៅកីឡដ្ឋាន ស្មាត អ អេស អិន វេលាម៉ោង ៨:០០នាទីយប់ ក្នុងរាជធានីភ្នំពេញ ពោលគឺបន្ទាប់ពីចប់ការប្រកួតរវាង ថៃ ប៉ះ សិង្ហបុរី វេលាម៉ោង ៤:០០នាទីរសៀល។
ក្រុមបាល់ទាត់ជម្រើសជាតិនារី៖
ពូល A មាន៖ វៀតណាម, ហ្វីលីពីន, មីយ៉ាន់ម៉ា, ម៉ាឡេស៊ី , ឥណ្ឌូនេស៊ី
ពូល B មាន៖ កម្ពុជា, ថៃ, សិង្ហបុរី, ឡាវ៕
តារាងកម្មវិធីប្រកួត របស់ក្រុមជម្រើសជាតិនារីទាំងពូល A និងB៖
