ទីបំផុតក្រុមអាហ្សង់ទីន ជាបេក្ខភាពចុងក្រោយឡើងទៅវគ្គផ្ដាច់ព្រ័ត្រពានរង្វាន់ជើងឯកទ្វីបអាមេរិកខាងត្បូង Copa América 2021 ក្រោយយកឈ្នះលើក្រុមកូឡុំប៊ី ក្នុងវគ្គពាក់កណ្ដាលផ្ដាច់ព្រ័ត្រ នៅព្រឹកថ្ងៃពុធ នេះដោយបាល់ទាត់ប៉េណាំងទីកាត់សេចក្តី៣ទល់២ ក្រោយប្រកួតស្មើគ្នាពេញម៉ោង១ទល់១។ សូមទស្សនាវីដេអូហាយឡាយខាងក្រោម៖
ដូច្នេះក្រុមអាហ្សង់ទីន ត្រូវឡើងទៅជួបក្រុមម្ចាស់ផ្ទះប្រេស៊ីល នៅវគ្គផ្ដាច់ព្រ័ត្រ ដែលនឹងធ្វើឡើងនៅថ្ងៃសៅរ៍ ទី១០ ខែកក្កដា ឆ្នាំ២០២១ ដើម្បីដណ្តើមជើងឯក ហើយក្រុមកូឡុំប៊ី ត្រូវប៉ះក្រុមបេរ៉ូ ដើម្បីដណ្តើមចំណាត់ថ្នាក់លេខ៣ នៅថ្ងៃទី៩ ខែកក្កដា ឆ្នាំ២០២១។
ពានរង្វាន់ 2021 Copa América រៀបចំឡើងតាំងពីឆ្នាំ១៩១៦ ហើយក្រោយមកវិវត្តន៍រៀបចំនៅរាល់៣ឆ្នាំម្តង ដោយប្រទេសអ៊ុយរ៉ាហ្គាយ ឈ្នះពានរង្វាន់បានច្រើនជាងគេ គឺរហូតដល់១៥លើក ខណៈក្រុមប្រេស៊ីល ជាម្ចាស់ជើងឯកឆ្នាំចាស់កាលពីឆ្នាំ២០១៩។ ចំណែកក្រុមអាហ្សង់ទីន ធ្លាប់ឈ្នះបាន១៤លើក ក្រុមប៉ារ៉ាហ្គាយ និងឈីលី ឈ្នះបានម្នាក់២លើក និងកូឡុំប៊ី និងបូលីវី ឈ្នះម្នាក់១លើក។
បើនិយាយពីប្រវត្តិប៉ះគ្នានៅវគ្គផ្ដាច់ព្រ័ត្រពានរង្វាន់ Copa América រវាងប្រេស៊ីល និងអាហ្សង់ទីន វិញធ្លាប់ជួបគ្នាដូចជា៖
-១៩៣៧៖ អាហ្សង់ទីន ២-០ ប្រេស៊ីល
-២០០៧៖ ប្រេស៊ីល ២-២ (៤-២) អាហ្សង់ទីន
-២០០៧៖ ប្រេស៊ីល ៣-០ អាហ្សង់ទីន