ក្រុមភ្ញៀវបឹងកេត និងណាហ្គាវើល សុទ្ធយកជ័យជម្នះលើក្រុមម្ចាស់ផ្ទះដូចៗនៅក្នុងប្រកួតល្ងាចថ្ងៃពុធ ទី៧ ខែកក្កដា ឆ្នាំ២០២១ នេះ ប្រចាំពានរង្វាន់លីគកំពូលកម្ពុជា Metfone Cambodian League 2021 ខណៈតាមការកំណត់ក្រុមដែលឈ្នះទទួលបាន៣ពិន្ទុ។
ក្រុមបឹងកេត បានយកឈ្នះម្ចាស់ផ្ទះអាស៊ីអឺរ៉ុប ដោយលទ្ធផល ៣ទល់១ លើទីលានកីឡដ្ឋាន AEU Sport Park។ គ្រាប់បាល់ជ័យជម្នះរបស់ក្រុមបឹងកេត រកបានដោយកីឡាករ ចាន់ វឌ្ឍនាកា ២គ្រាប់ និងកីឡាករ សែត រ៉ូស៊ីប ១គ្រាប់ ស្របពេលកីឡាករកាម៉េរ៉ូ Abbee Ndjoo រកបាន១គ្រាប់អោយអាស៊ីអឺរ៉ុប វិញ។
ដោយឡែកក្រុមណាហ្គាវើល វិញបានយកឈ្នះម្ចាស់ផ្ទះអគ្គស្នងការដ្ឋាននគរបាលជាតិ (ប៉ូលិស) ដោយលទ្ធផល៤ទល់០ លើទីលាន 7NG។ កីឡាករប្រេស៊ីល Marques Marcio បានរកគ្រាប់បាល់៣គ្រាប់ម្នាក់ឯង (Hat-trick) ឱ្យណាហ្គាវើល ហើយកីឡាករខ្មែរ-បារាំង គួច ដានី រកបាន១គ្រាប់ដែរ។