ត្រៀមហ៊ូទាំងអស់គ្នា សម្រាប់អ្នកស្នេហាវិស័យកីឡាបាល់ទះ វិញ្ញាសាបាល់ទះផ្នែកនារី ក្នុងសាល នឹងត្រូវចាប់ផ្ដើមប្រកួតនៅថ្ងៃទី០៩ ខែឧសភា នេះហើយ ក្រោយកម្មវិធីប្រកួតផ្នែកបុរស ត្រូវបានបញ្ចប់ កាលពីយប់ថ្ងៃទី០៨ ខែឧសភា ឆ្នាំ២០២៣។
ដោយក្រុមនារីកម្ពុជា នឹងត្រូវជួបក្រុមនារីហ្វីលីពីន នារាត្រីនេះ និងមាន ៣គូរផ្សងទៀត ដូចជា ម៉ាឡេស៊ី ជួប មីយ៉ាន់ម៉ា, វៀតណាម ជួប សិង្ហបុរី, ឥណ្ឌូណេស៊ី ជួប ថៃ ចាប់ពីម៉ោង ១២:នាទីថ្ងៃត្រង់តទៅ។
វិញ្ញាសាបាល់ទះផ្នែកនារី ក្នុងសាល សរុបមានចំនួន ៨ប្រទេសចូលរួម ចែកចេញជា ២ពូលមានម្ចាស់ផ្ទះ កម្ពុជា, វៀតណាម, ហ្វីលីពីន, និងសិង្ហបុរី និងពូល A មាន៖ ម៉ាឡេស៊ី, ឥណ្ឌូនេស៊ី, ថៃ, មីយ៉ាន់ម៉ា។
ខណ:ការប្រកួតនៅថ្ងៃនេះមានដូចខាងក្រោម៖
- ប្រកួតទី១ ពូល A ៖ ម៉ាឡេស៊ី ជួប មីយ៉ាន់ម៉ា វេលាមៅង ១២:០០នាទីថ្ងៃត្រង់
- ប្រកួតទី២ ពូល B ៖ វៀតណាម ជួប សិង្ហបុរី វេលាមៅង ២:៣០នាទីរសៀល
- ប្រកួតទី៣ ពូល A ៖ ឥណ្ឌូណេស៊ី ជួប ថៃ វេលាមៅង ៥:០០នាទីល្ងាច
- ប្រកួតទី៤ ពូល B ៖ ហ្វីលីពីន ជួប កម្ពុជា វេលាមៅង ៧:៣០នាទីយប់
គួរបញ្ជាក់ថា សម្រាប់ក្រុមជម្រើសជាតិបាល់ទះបុរសកម្ពុជា ក្នុងព្រឹត្តិការណ៍ ប្រកួតកីឡាស៊ីហ្គេម លើកទី៣២ ឆ្នាំ២០២៣ បានឈ្នះមេដាយប្រាក់ក្រោយចាញ់ក្រុមឥណ្ឌូណេស៊ី ក្នុងលទ្ធផល ៣-០ នាថ្ងៃទី០៨ ខែឧសភា ក្នុងពហុកីឡដ្ឋានជាតិ៕