សារព័ត៌មាន CNA បានចុះផ្សាយថា អត្តពលិកកម្ពុជាម្នាក់ បានឈ្នះបេះដូងប្រជាជនកម្ពុជា បន្ទាប់ពីបានព្យាយាមបញ្ចប់ការប្រកួតកីឡាលើវិញ្ញាសារអត្តពលកម្មប្រភេទរត់ចម្ងាយ ៥០០០ម៉ែត្រ ក្នុងព្រឹត្តិការណ៍ស៊ីហ្គេមកាលពីថ្ងៃចន្ទ (៨ ឧសភា) ទោះបីជាគេរកឃើញអ្នកឈ្នះលើវិញ្ញាសារនេះ ៦នាទីមុនក៏ដោយ។
ក្រៅពីស្ថាប័នព័ត៌មានបរទេស CNA ក៏មានស្ថាប័នព័ត៌មានបរទេសមួយចំនួនទៀតដូចជា The Straits Times, American Drudge Report, Today online, Lumi News Malaysia បានសរសេរសរសើរពីកីឡាការិនី ប៊ូ សំណាង ដែលបានយកឈ្នះបេះដូងប្រជាជនជាច្រើន ទោះបីជាមិនទទួលបានជោគជ័យក៏ដោយ។
កីឡាការិនី ប៊ូ សំណាង បានរត់ដល់ទីផ្ដាច់ព្រ័ត្រក្រោមដំណក់ទឹកភ្លៀងទាំងទឹកភ្នែក ដោយលើកដៃអរគុណអ្នកគាំទ្ររូបនាងទោះបីជានាងមិនទទួលបានលទ្ធផលល្អជូនជាតិក៏ដោយ។
កីឡាករដែលឈ្នះ គឺកីឡាការិនីវៀតណាម Nguyen Thi Oanh បានបញ្ចប់ការប្រណាំងមុន៥នាទី៥៤វិនាទី ចំណែកគូប្រកួតដែលឈរលេខចំណាត់ថ្នាក់លេខ២ ចុងក្រោយគឺ កីឡាករកម្ពុជា រុន រំដួល៕