ខ្សែការពារ Sasalak Haiprakhon របស់ថៃ ត្រូវបានក្លិបបាល់ទាត់ Jeonbuk Hyundai Motors នៅលីគកំពូលកូរ៉េខាងត្បូង ចុះកិច្ចសន្យាផ្លូវការនាំយកទៅចូលរួមក្រុម ក្នុងលក្ខខណ្ឌខ្ចីជើងរយៈពេល៦ខែ ពីក្រុម Buriram United របស់ថៃ។
អ្វីដែលត្រូវរង់ចាំមើលគឺថាតើកីឡាករវ័យ២៥ឆ្នាំរូបនេះ អាចប្រជែងឱកាសបង្ហាញខ្លួនលើទីលានជាមួយកីឡាករចាស់ៗក្នុងក្រុមដែលលេងក្នុងតំណែងជាខ្សែការពារខាងឆ្វេង ដូចគ្នាបានដែរឬទេ? ព្រោះខ្សែការពារឆ្វេងនៅ ក្រុម Jeonbuk Hyundai Motors មានក្នុងបញ្ជីចាស់ស្រាប់ចំនួន៣នាក់រួចហើយ រួមមាន៖
១) កីឡាករ Kim Jin-su វ័យ២៩ឆ្នាំ ខ្ចីជើងមកពីក្រុមAl-Nassr ប្រទេសអារ៉ាប់ប៊ីសាអូឌីត និងធ្លាប់ជាសមាជិកជម្រើសជាតិកូរ៉េខាងត្បូង។
២) កីឡាករLee Joo-yong វ័យ៣២ឆ្នាំ ធ្លាប់ឈ្នះពានរង្វាន់ក្នុងប្រទេសនិងកម្រិតទ្វីបជាច្រើន និងជាអតីតសមាជិកជម្រើសជាតិកូរ៉េខាងត្បូង។
៣) កីឡាករ Park Jin-Sung វ័យ២០ឆ្នាំរបស់កូរ៉េខាងត្បូង ដែលធ្លាប់បង្ហាញខ្លួនជាមួយក្រុមទាំងក្នុងលីគកូរ៉េខាងត្បូង និងពានរង្វាន់ AFC Champion League នាពេលកន្លងទៅ។
អត្ថបទពាក់ព័ន្ធ៖ក្លិបយក្សកូរ៉េខាងត្បូង Jeonbukខ្ចីជើងកីឡាករថៃ Sasalak ពីក្លិប Buriram ៦ខែ
កីឡាករ Sasalak Haiprakhon បានចុះកិច្ចសន្យាផ្លូវការពាក់អាវលេខ២៨ ជាមួយក្រុម Jeonbuk Hyundai Motors កាលពីថ្ងៃទី៦ ខែកក្កដា ថ្មីៗនេះ ក្រោយធ្វើដំណើរទៅដល់កីឡដ្ឋាន Jeonju World Cup Stadium ក្នុងទីក្រុង Jeonju របស់កូរ៉េខាងត្បូង៕