ពានរង្វាន់ AFC Champion League 2021 ត្រូវបានសហព័ន្ធកីឡាបាល់ទាត់អាស៊ី បែងចែកជា២តំបន់ដោយក្នុងនោះមានតំបន់ភាគខាងលិច (សហព័ន្ធបាល់ទាត់អាស៊ីខាងលិច,សហព័ន្ធបាល់ទាត់អាស៊ីខាងត្បូងនិងសហព័ន្ធបាល់ទាត់អាស៊ីកណ្ដាល) ចំណែកតំបន់មួយទៀតគឺអាស៊ីខាងកើត (សហព័ន្ធបាល់ទាត់អាស៊ីខាងកើត និងសហព័ន្ធបាល់ទាត់អាស៊ាន)។
គិតត្រឹមពេលនេះរកឃើញក្រុមឆ្លងផុតវគ្គជម្រុះតាមពូលហើយ ដោយរកឃើញក្រុមខ្លាំង១៦ក្រុមឡើងទៅជម្រុះបន្ត។ តំបន់អាស៊ីខាងលិចមាន៖
-ពូល A៖ លេខ១ ក្រុម Istiklol (តាហ្ស៊ីគីស្ថាន) លេខ២ ក្រុមAl Hilal (អារ៉ាប៊ីសាអ៊ូឌីត)
-ពូល B៖ លេខ១ Sharjah (អារ៉ាប់រួម) លេខ២ ក្រុមTractor (អ៊ីរ៉ង់)
-ពូល C៖ លេខ១ ក្រុម Esteghlal (អ៊ីរ៉ង់)
-ពូល D៖ លេខ១ ក្រុម Al-Nassr (អារ៉ាប៊ីសាអ៊ូឌីត)
-ពូល E៖ លេខ១ ក្រុម Persepolis (អ៊ីរ៉ង់) លេខ២ ក្រុម Al-Wahda (អារ៉ាប់រួម)
ចំណែកតំបន់ខាងកើត មាន៖
-ពូល F៖ លេខ១ Ulsan Hyundai (កូរ៉េខាងត្បូង) និង លេខ២ BG Pathum United (ថៃ)
-ពូល G ៖ លេខ១ Nagoya Grampus (ជប៉ុន) លេខ២ Pohang Steelers (កូរ៉េខាងត្បូង)
-ពូល H ៖ លេខ១ Jeonbuk Hyundai Motors (កូរ៉េខាងត្បូង)
-ពូល I ៖ លេខ១ Kawasaki Frontale (ជប៉ុន) លេខ២ Daegu FC (កូរ៉េខាងត្បូង)
-ពូល J ៖ លេខ១ Cerezo Osaka (ជប៉ុន)
សម្រាប់កម្មវិធីប្រកួតវគ្គ១៦ក្រុមចុងក្រោយ នេះបានចាប់គូរួចរាល់ហើយ ដោយត្រូវប្រកួតគ្នា២ជើង ហើយអ្នកឈ្នះមានកៅអីឡើងទៅវគ្គ៨ក្រុមចុងក្រោយជាបន្ត៖
*តំបន់អាស៊ីខាងលិច ជើងទី១ធ្វើឡើងនៅថ្ងៃទី១៣ និង១៤ ខែកញ្ញា ៖
គូទី១) Istiklol Vs Persepolis នៅកីឡដ្ឋាន Pamir Stadium ទីក្រុង Dushanbe
គូទី២) Sharjah Vs Al-Wahda នៅកីឡដ្ឋាន Sharjah Stadium ទីក្រុង Sharjah
គូទី៣) Esteghlal Vs Al Hilal (មិនទាន់កំណត់ទីកន្លែងប្រកួត)
គូទី៤) Al-Nassr Vs Tractor (មិនទាន់កំណត់ទីកន្លែងប្រកួត)
*តំបន់អាស៊ីខាងកើត ជើងទី១ ប្រកួតចន្លោះថ្ងៃទី១៤-១៥ ខែកញ្ញា៖
គូទី៥) Ulsan Hyundai Vs Kawasaki Frontale នៅកីឡដ្ឋាន Ulsan Munsu Football Stadium ទីក្រុង Ulsan
គូទី៦) Nagoya Grampus Vs Daegu FC នៅកីឡដ្ឋានToyota Stadium ក្នុងទីក្រុង Nagoya
គូទី៧) Jeonbuk Hyundai Motors Vs BG Pathum United នៅកីឡដ្ឋានJeonju World Cup Stadium ទីក្រុង Jeonju
គួទី៨) Cerezo Osaka Vs Pohang Steelers នៅកីឡដ្ឋានNagai Stadium ទីក្រុង Osaka