ការប្រកួតពានរង្វាន់ Cambodian League Cup ឆ្នាំ២០២៣ បានឈានដល់វគ្គពាក់កណ្តាលផ្តាច់ព្រ័ត្រជើងទី២ហើយ ដោយល្ងាចថ្ងៃអាទិត្យ នេះក្រុមម្ចាស់ផ្ទះភ្នំពេញក្រោន ត្រូវបើកទ្វាកីឡដ្ឋាន Smart RSN របស់ខ្លួនដើម្បីទទួលក្រុមភ្ញៀវមកពីខេត្តតាកែវ គឺគិរីវង់សុខសែនជ័យ ដែលការប្រកួតនឹងចាប់ផ្តើមនៅវេលាម៉ោង ៦.៣០ នាទីយប់។
ដោយឡែកការប្រកួតជើងទី១ វគ្គពាក់កណ្ដាលផ្ដាច់ព្រ័ត្រ កន្លងទៅក្លិបភ្នំពេញក្រោនបានយកឈ្នះក្រុមម្ចាស់ផ្ទះគិរីវង់សុខសែនជ័យ ដោយលទ្ធផល ៣ទល់និង០ ខណៈកាលពីម្សិលមិញក្រុមវិសាខា បានត្រឹមស្មើគ្នា ជាមួយណាហ្គាវើល ដោយលទ្ធផល១-១ សរុបលទ្ធផលទាំងពីជើង ២ទល់និង១។
លទ្ធផលជើងទី១ រវាងភ្នំពេញក្រោន និងគិរីវង់សុខសែនជ័យ
លទ្ធផលការប្រកួតជើងទី២ រវាងវិសាខា និងណាហ្គាវើល
គួរឲ្យដឹងថា ពានរង្វាន់បាល់ទាត់ Cambodian League Cup ឆ្នាំ២០២៣ មានក្រុមចូលរួមចំនួន ១៤ក្រុមចូលរួម ដោយបែងចែកជា២ពូល ប្រកួតសន្សំពិន្ទុ ហើយក្រុមចំណាត់ថ្នាក់លេខ១និងលេខ២តាមពូលនីមួយៗមានឈ្មោះឡើងទៅប្រកួតវគ្គពាក់កណ្ដាលផ្ដាច់ព្រ័ត្រ៕
