សហព័ន្ធកីឡាជឺជីតស៊ូកម្ពុជា នៅថ្ងៃទី២៩ ខែឧសភា បានប្រកាសអបអរដល់កីឡាករជឺជីតស៊ូជម្រើសជាតិកម្ពុជា មឿនលីម សុបញ្ញា បានប្រកួតឈ្នះមេដាយមាស ក្នុងព្រឹត្តិការណ៍ AFG OPEN INTERNATIONAL 2023 នៅលើទឹកដីថៃ ក្រោយចប់ស៊ីហ្គេម លើកទី៣២ នៅកម្ពុជា។
ព្រឹត្តិការណ៍នេះផងដែរត្រូវបានរៀបចំឡើងនៅក្នុងសាកលវិទ្យាល័យ Rangsit ទីក្រុងបាងកកនៃព្រះរាជាណាចក្រថៃ ដែលមានការចូលរួមពីអត្តពលិកចំនួនជាង៤០០នាក់ មកពីជុំវិញពិភពលោក។ កម្មវិធី AFG Open International 2023 បានចាប់ផ្ដើមថ្ងៃទី២៨ ខែឧសភា ឆ្នាំ២០២៣ ដោយមានការចូលរួមពីកីឡាករចម្រុះជាតិសាសន៍ជាង៤០០នាក់។
លើកពីនេះសហព័ន្ធកីឡាជឺជីតស៊ូកម្ពុជា កំពុងតែស្វែងរកអ្នកឧបត្ថម្ភដើម្បីធ្វើកិច្ចសហការជាមួយគ្នា។ បើលោកអ្នកមានចំណាប់អារម្មណ៍សូមមេត្តាទំនាក់ទំនងមកខាងពួកយើង។ រំលឹកផងដែរថា នៅក្នុងព្រឹត្តិការស៊ីហ្គេម លើកទី៣២ កីឡាជឺជីតកម្ពុជា ដណ្ដើមបានមេដាយសរុប ៩គ្រឿង ក្នុងនោះមេដាយមាស ៣គ្រឿង មេដាយប្រាក់ ៥គ្រឿង មេដាយសំរឹទ្ធ ១គ្រឿង៕