សិល្បៈជាតិ៖ តាមការប្រកាសជាផ្លូវការបានឱ្យដឹងថា មហោស្រពភាពយន្តខ្លីចតុម្មុខ ឬហៅកាត់ CSFF នាពេលនេះបើកទទួលភាពយន្តខ្លីសម្រាប់ការប្រកួតនៅក្នុងវគ្គ XII-Edition ពីថ្ងៃនេះតទៅហើយ។
សម្រាប់ការចូលរួមប្រកួតភាពយន្តខ្លីរបស់អ្នក គឺជាឱកាសបង្ហាញពីទេពកោសល្យនៃការផលិតភាពយន្ដរបស់អ្នក ហើយអ្នកនឹងមានឱកាសឈ្នះរង្វាន់ដ៏អស្ចារ្យពីមហោស្រពថែមទៀតផង។ លើសពីនេះ អ្នកនឹងមានឱកាសបង្កើតបណ្តាញជាមួយផលិតករភាពយន្តវ័យក្មេង និងជើងចាស់ដែលមានទេពកោសល្យនិងផ្លាស់ប្តូរបទពិសោធន៍ជាច្រើនទៀតក្នុងវិស័យផលិតភាពយន្ត។
សូមជម្រាបថា លោកអ្នកអាចផ្ញើភាពយន្តខ្លីរបស់អ្នកតាមរយៈគេហទំព័រ៖ filmfreeway.com/csff ត្រឹមថ្ងៃទី ១៥ ខែកក្កដា ឆ្នាំ ២០២៣!
