ព្រឹត្តិការណ៍ប្រកួតពានរង្វាន់ Cambodia League Cup ឆ្នាំ២០២៣ បានរកឃើញក្រុមដែលត្រូវប្រជែងដណ្ដើមពានរង្វាន់ហើយ បន្ទាប់ពីមានការប្រកួតដ៏តានតឹងនៅវគ្គពាក់កណ្ដាលផ្ដាច់ព្រ័ត្រទាំង២ជើងរួចមកគឺក្រុមបាល់ទាត់ ណាហ្គាវើលដ៍ នឹងត្រូវជួប ភ្នំពេញក្រោន។
មុនឈានដល់វគ្គផ្ដាច់ព្រ័ត្រ យើងងាកមកចាប់អារម្មណ៍ចំណុចសំខាន់ៗពីការប្រកួតនាពេលកន្លងមកមានដូចខាងក្រោម៖
- ភ្នំពេញក្រោម ជាក្រុមដែលមិនទាន់ចាញ់សោះ គិតត្រឹមមុនប្រកួតវគ្គផ្ដាច់ព្រ័ត្រ
- អ្នកចូលទស្សនាផ្ទាល់សរុបជាង ៤ ០៣៥៩នាក់ ក្នុងចំណោម ៤៦ប្រកួតកន្លងមក
- កីឡាករ Marcus Warren Haber ទាត់បញ្ចូលទីច្រើនជាងគេ មានចំនួន ១០គ្រាប់
- កីឡាករ សុះ ស៊ូហាណា និងដាវ នីម ជាកីឡាករខ្មែរ ២រូបឈរក្នុងបញ្ជី Top Scorers
- អ្នកចាំទី អ៊ុំ វិចិត្រ វ៉ាផុត ស៊ូ យ៉ាទី ក្នុងនាមអ្នកចាំទីរក្សា Clean Sheets ច្រើនជាងគេ
- គិរីវង់សុខសែនជ័យ ជាក្រុមដែលទទួលបានកាតពិន័យច្រើនជាងគេសរុប ២៤កាត
- កីឡាករ ចិន ណារក្ស របស់អង្គរថាយហ្គឺរ ទទួលបានកាតច្រើនជាងគេចំនួន ៥កាត
- កីឡាករ Takumu Nishihara របស់វិសាខា ជាប់ក្នុងបញ្ជី MOTM ច្រើនជាងគេចំនួន ៥លើក
- អាជ្ញាកណ្ដាលលោក អ៉ីវ ទីណា ចាយកាតច្រើនជាងគេ ត្រឹមវគ្គពាក់កណ្តាលផ្តាច់ព្រ័ត្រ ចាយកាតសរុប ២៣សន្លឹក
ការប្រកួតពានរង្វាន់ Cambodia League Cup ឆ្នាំ២០២៣ វគ្គពាក់កណ្តាលផ្តាច់ព្រ័ត្រ បានបញ្ចប់ ដោយក្រុមបាល់ទាត់ ណាហ្គាវើលដ៍ នឹងត្រូវជួប ភ្នំពេញក្រោន នៅវគ្គផ្តាច់ព្រ័ត្រ ថ្ងៃអាទិត្យ ទី៤ ខែមិថុនា វេលាម៉ោង ៦:៣០ នាទីល្ងាច នៅកីឡដ្ឋានកងយោធពលខេមរភូមិន្ទ (ស្តាតចាស់)៕