សិល្បៈជាតិ៖ កាលពីពេលថ្មីៗនេះសារព័ត៌មានថៃ Top News បានចេញព័ត៌មានមួយមានចំណងជើងថា «បែកធ្លាយវីដេអូ Paing Takhon ចាប់ដៃ Miss Grand Cambodia 2022 ពេជ្រ វត្តីសារ៉ាវឌ្ឍី មិនព្រមលែងធ្វើឱ្យហ្វេនជ្រួលជ្រើមឡើងកប៉ាល់ផ្គូផ្គងតារាទាំងពីរដួងនេះពេញបណ្ដាញសង្គម»។
សូមអាន តួឯកប្រុស Paing Takhon មកដល់កម្ពុជាត្រៀមថតភាពយន្តក្នុងគម្រោង ១លានដុល្លារ
វីដេអូដែលកំពុងល្បីល្បាញលើបណ្ដាញសង្គម គឺជាវីដេអូក្រៅឆាកដកស្រង់ចេញពីភាពយន្ត «Rent Boy» ឬ «ប្រុសលក់ខ្លួន» ជាភាពយន្តដែលបុរសសង្ហាមីយ៉ាន់ម៉ា Paing Takhon និង កញ្ញា ពេជ្រ វត្តីសារ៉ាវឌ្ឍី ម្ចាស់តំណែង Miss Grand Cambodia 2022 ចាប់ដៃគូសម្ដែងជាមួយគ្នាជាលើកដំបូង។
សារព័ត៌មានថៃដដែលបានផ្សាយថា Paing Takhon ចាប់ដៃ Pitchy ជាប់មិនព្រមព្រលែងរហូតធ្វើឱ្យហ្វេនៗឡើងកប៉ាល់ផ្គូផ្គងតារាទាំងពីរដួងនេះ។ បើងាកមកមើលការ Comment វិញភាគច្រើនគឺ សុទ្ធតែជាមតិវិជ្ជមាន ចង់ឃើញតារាទាំងពីរដួងនេះសាកល្បងបើកចិត្តសិក្សាពីគ្នា រហូតលាន់មាត់ថា៖ «Pitchy ស្រលាញ់អ្នកណា ខ្ញុំស្រលាញ់អ្នកហ្នឹងដែរ» «Pitchy យកមែកកន្ទួតឱ្យម៉ាក់ភ្លាម» «ហេតុអីមុខដូចគ្នាម្ល៉េះ?» «ឈប់ភ្លាម» «សាកសមគ្នាណាស់» ។ល។
ទស្សនាវីដេអូព័ត៌មានរបស់សារព័ត៌មាន Top News ខាងក្រោម