នៅព្រឹកថ្ងៃទី៥ ខែមិថុនា សហព័ន្ធកីឡាបាល់ទាត់កម្ពុជា បានប្រកាសបញ្ជីរាយនាមបឋមកីឡាករជម្រើសជាតិកម្ពុជា ចំនួន៣០នាក់ ត្រៀមប្រកួតមិត្តភាពអន្តរជាតិទល់នឹងក្រុមជម្រេីសជាតិបង់ក្លាដែស នៅថ្ងៃទី១៥ ខែមិថុនា ឆ្នាំ២០២៣។
សម្រាប់ការប្រកួតមិត្តភាពអន្តរជាតិ “Vattanac International Friendly Match”៖
ខ្សែប្រយុទ្ធ ចាន់ វឌ្ឍនាកា ចាយពេល៥៣២ថ្ងៃ ដើម្បីអាចវិលចូលក្នុងក្រុមជម្រើសជាតិកម្ពុជាវិញ បន្ទាប់ពីរបួសដាច់សសៃជង្គង់ ACL ខាងស្ដាំ ខណ:ការបង្ហាញខ្លួនលើកចុងក្រោយនៅពេល កម្ពុជា ចាញ់វៀតណាម ក្នុងលទ្ធផល ៤-០ ពានរង្វាន់ AFF Suzuki Cup កាលពីថ្ងៃទី១៩ ខែធ្នូ ឆ្នាំ២០២១ នៅប្រទេសសិង្ហបុរី។
នេះគឺជាជំនួបដំបូងហើយរបស់លោក Félix Dalmás ដែលដឹកនាំក្រុមកម្ពុជាប្រកួត បន្ទាប់ពីសហព័ន្ធបាល់ទាត់កម្ពុជា បានប្រកាសតែងតាំង ជាគ្រូបង្គោលថ្មីកាលពីថ្ងៃទី០២ មេសា ឆ្នាំ២០២៣ ជំនួសលោក Honda ក្រោយបញ្ចប់ភារកិច្ចប្រកួតស៊ីហ្គេម លើកទី៣២។
មុនប៉ះគ្នាក្នុងជំនួបមិត្តភាពអន្តរជាតិ នៅថ្ងៃទី១៥ ខែមិថុនា ឆ្នាំ២០២៣ (FIFA Day ) ខាងមុខនេះ ក្រុមទាំង២ធ្លាប់ប៉ះម្ដង ក្នុងជំនួបមិត្តភាពអន្តរជាតិដែរ កាលពីខែកញ្ញា ឆ្នាំ២០២២ កន្លងទៅ ដោយលទ្ធផលកាលនោះកម្ពុជា បានចាញ់បង់ក្លាដែស ក្នុងលទ្ធផល ១-០៕
