នៅព្រឹកថ្ងៃទី៦ ខែមិថុនា ឆ្នាំ២០២៣ កម្ពុជា រកឃើញម្ចាស់មេដាយមាសទី៥ គឺកីឡាការិនី យិន សូត លើប្រភេទកីឡាអត្តពលកម្ម វិញ្ញាសារត់ចម្ងាយ ៨០០ម៉ែត្រ T11 ខណ:កីឡាការិនី ងួន រតនា លើប្រភេទកីឡាអត្តពលកម្ម វិញ្ញាសារត់ចម្ងាយ ១,៥០០ម៉ែត្រ T46 នៅពហុកីឡដ្ឋានជាតិមរតកតេជោ នៃព្រឹត្តិការណ៍កីឡាអាស៊ានប៉ារ៉ាហ្គេម លើកទី១២។
មកស្គាល់ម្ចាស់មេដាយមាសទាំង៥របស់កម្ពុជា៖
– កីឡាការិនី ងួន រតនា លើប្រភេទកីឡាអត្តពលកម្ម វិញ្ញាសារត់ចម្ងាយ ១,៥០០ម៉ែត្រ T46
– កីឡាការិនី យិន សូត លើប្រភេទកីឡាអត្តពលកម្ម វិញ្ញាសារត់ចម្ងាយ ៨០០ម៉ែត្រ T11
– កីឡាការិនី វិត ចន្ថា លើវិញ្ញាសា រត់ចម្ងាយ ៤០០ម៉ែត្រ
– កីឡាការិនី វ៉ិត ចន្ថា វិញ្ញាសាលោតចម្ងាយនារី T64
– ក្រុមបាល់បោះរទេះនារីកម្ពុជា ដណ្តើមបានមេដាយមាស មុនគេ ឲក្រោយយកឈ្នះថៃ នៅវគ្គផ្ដាច់ព្រ័ត្រ។
ការប្រកួតកីឡាអាស៊ានប៉ារ៉ាហ្គេម លើកទី១២ មាន១៤ប្រភេទ រួមមានកីឡាប៊ូស្យា បាល់ទាត់ម្ខាង៥នាក់ (ចលករខួរក្បាល) បាល់បោះពិការភ្នែក វាយសី វាយកូនឃ្លីលើតុ បាល់ទះអង្គុយ អុក បាល់ទាត់ម្ខាង៧នាក់ (ចលករខួរក្បាល) អត្តពលកម្ម ហែលទឹក លើកទម្ងន់ បាល់ទះលើរទេះ យូដូ និងកីឡាអេឡិចត្រូនិច (Demonstration Sport)។
ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ មាន ១១ប្រទេសដដែល ប៉ុន្តែប្រកួតប្រជែង ចំនួនប្រតិភូ កីឡាករ កីឡាការិនីសរុបមានប្រមាណ ២៦០០នាក់ ក្នុងនោះអត្តពលិកសរុប ប្រមាណ ១៤០០នាក់ចាប់ផ្ដើមប្រកួតពីថ្ងៃទី០៣-០៩ ខែមិថុនា ឆ្នាំ២០២៣ នៅរាជធានីភ្នំពេញ បន្ទាប់ពីទទួលបានជោគជ័យក្នុងការធ្វើម្ចាស់ផ្ទះកីឡាស៊ីហ្គេមលើកទី៣២ ចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣៕