កាលពីថ្ងៃទី០៦ ខែមិថុនា ឆ្នាំ២០២៣ សហព័ន្ធកីឡាអេឡិចត្រូនិកកម្ពុជា បានចេញសេចក្តីប្រកាសព័ត៌មាន ដែលពាក់ព័ន្ធទៅនឹងការផ្អាកសកម្មភាពក្នុងវិស័យកីឡាអេឡិចត្រូនិករបស់ លោក តែ តេកហេង (Lee Xin) ប្រធានក្រុម Burn X Flash រយៈពេល ៦ខែ ដោយគិតចាប់ពីថ្ងៃទី២០ ខែមិថុនា ឆ្នាំ២០២៣ រហូតដល់ថ្ងៃទី២០ ខែធ្នូ ឆ្នាំ២០២៣។
មូលហេតុ នឹងការផ្អាកនេះទៅលើករណីលោក តែ តេកហេង (Lee Xin) បានលើកស្បែកជើងពេលកំពុងផ្សាយផ្ទាល់ ក្នុងកំឡុងការប្រកួតរវាងកម្ពុជា និងម៉ាឡេស៊ី វិញ្ញាសារ Mobile Legends: Bang Bang ក្នុងព្រឹត្តិការណ៍ ស៊ីហ្គេម លើកទី៣២ ឆ្នាំ២០២៣ កន្លងទៅដែលកម្ពុជាធ្វើជាម្ចាស់ផ្ទះ។
ការចុះផ្សាយរបស់សារព័ត៌មានបរទេស https://wan2playgame.net/mlbb-pro-player-taunt-with
មុនពេលប្រកាសផ្អាកសកម្មភាពក្នុងវិស័យកីឡាអេឡិចត្រូនិករបស់ លោក តែ តេកហេង (Lee Xin) សហព័ន្ធកីឡាអេឡិចត្រូនិកកម្ពុជា ក៏បានចេញលិខិតអញ្ជើញ ដើម្បីឲ្យ លោក តែ តេកហេង (Lee Xin) ប្រធានក្រុម Burn X Flash មកធ្វើការដោះស្រាយចំពោះបញ្ហានេះផងដែរ៕
