អ្នកនាង ខាត់ សុឃីម តារាចម្រៀង តារាកំប្លែង ពិធីការិនី និងជាតារាសម្ដែងផងនោះ នៅថ្ងៃទី១៣ ខែកក្កដា ឆ្នាំ២០២១ បានបង្ហោះរូបថតមួយសន្លឹក ជាមួយនឹងប្អូនស្រី នៅលើបណ្ដាញសង្គម រហូតធ្វើឱ្យមហាជនលាន់មាត់ថាមួយណាជា អ្នកនាង ខាត់ សុឃីម ហើយមួយណាជាប្អូនស្រីអ្នកនាង ខាត់ សួស្ដី ?
រូបថតមួយសន្លឹកជាមួយនឹងប្អូនស្រី ខាត់ សួស្ដី នៅពេលអ្នកនាង ខាត់ សុឃីម បង្ហោះមានអ្នកគាំទ្រចូលមកសរសើរច្រើនថា ពីរនាក់ប្អូនអ្នកនាងស្អាតដូចគ្នា ចំណែកទឹកដមសំឡេងច្រៀងវិញក៏ពីរោះដូចគ្នា ខណៈដែលមានអ្នកខ្លះទៀតបានលើកឡើងថាអ្នកទាំងពីរមុខមាត់ដូចគ្នាប្រៀបដូចជាកូនភ្លោះ។
រូបថត Selfie ដែលធ្វើឱ្យមហាជន ចាប់ច្រឡំ មិនដឹងថាមួយណាជាបង មួយណាជាប្អូន នោះ គឺ អ្នកនាង ខាត់ សុឃីម នៅឈរពីខាងក្រោយ ចំណែកប្អូនស្រី ខាត់ សួស្ដី ថតនៅពីខាងមុខ មានអ្នកខ្លះបានលើកឡើងថាគាត់អាចដឹងថាម្នាក់ណាជា សុឃីម ម្នាក់ណាជាសួស្ដី ព្រោះចំណាំបានអាវ ដែលអ្នកនាង ខាត់ សុឃីម ធ្លាប់ពាក់និងបង្ហោះនៅលើផេករបស់អ្នកនាង។
ចុះប្រិយមិត្តត្រយងញូវស៍វិញ ក្រោយពីបានឃើញរូបថតមួយសន្លឹកនេះហើយ យល់ឃើញថា ប្អូនស្រីអ្នកនាង ខាត់ សួស្ដី ដូចអ្នកនាង ខាត់ សុឃីម កម្រិតណាដែរ?
