អ្នកចាំទី អ៊ុំ វិចិត្រ របស់ភ្នំពេញក្រោន ឈរលើ ស៊ូ យ៉ាទី របស់ណាហ្គាវើលដ៍ ក្នុងនាមជាអ្នកចាំទីដែលរក្សាបាន Clean Sheets ច្រើនជាងគេសរុប៥លើក ក្នុងចំណោមអ្នកចាំទី១៤នាក់ នៃពានរង្វាន់ Cambodian League Cup 2023។
អ្នកចាំទីដែលរក្សាបាន Clean Sheets ក្នុងចំណោមអ្នកចាំទី១៤នាក់៖
- អ៊ុំ វិចិត្រ របស់ភ្នំពេញក្រោន ៥លើក
- ស៊ូ យ៉ាទី របស់ណាហ្គាវើលដ៍ ៤លើក
- កែវ សុខសិលា របស់វិសាខា ៣លើក
- ជា វណ្ណសាក់ របស់គិរីវង់សុខសែនជ័យ ២លើក
- អោម ឧត្តម របស់ព្រះខ័នរាជស្វាយរៀង ២លើក
- ពេជ្រ តារា របស់ Tiffy Army FC ១លើក
- ជា សារិន របស់សូលទីឡូអង្គរ ១លើក
- យី ប៊ុនហេង របស់អង្គរថាយហ្គឺរ ១លើក
- វីរ: ដារ៉ា របស់ព្រះខ័នរាជស្វាយរៀង ១លើក
- រ៉េត លីហេង របស់ណាហ្គាវើលដ៍ ១លើក
- គង់ ភ័ត្រ របស់នគរបាលជាតិ ១លើក
- សាំង ហាន់ឃុន របស់ព្រៃវែង ១លើក
- ហ៊ុល គឹមហ៊ុយ របស់វិសាខា ១លើក
- សាវែង សំណាង របស់ភ្នំពេញក្រោន ១លើក។
រក្សា Clean Sheets ឬបិទមិនឲ្យគូប្រកួតទាត់បញ្ចូលទីទាំង៥លើករបស់អ្នកចាំទី អ៊ុំ វិចិត្រ គឺនៅប្រកួតទល់នឹង ព្រះខ័នរាជស្វាយរៀង, ISI ដង្កោសែនជ័យ និងសូលទីឡូអង្គរ វគ្គជម្រុះក្នុងពូល ខណ:គិរីវង់សុខសែនជ័យ ពីរជើង នៅវគ្គពាក់កណ្តាលផ្តាច់ព្រ័ត្រ។
ខណ:ក្លិបបាល់ទាត់ ភ្នំពេញក្រោន ក្រោមការដឹកនាំរបស់លោក Oleg Starynskyi បានក្លាយជាម្ចាស់ពានរង្វាន់ Cambodian League Cup 2023 កាលថ្ងៃអាទិត្យ ទី០៤ ខែមិថុនា នៅកីឡដ្ឋានស្តាតចាស់ ក្រោយឈ្នះណាហ្គាវើលដ៍ ដោយការទាត់បាល់ ១១ម៉ែត្រកាត់សេចក្តី ៣-២ បន្ទាប់ពីស្មើគ្នា ១២០នាទី ១-១៕
