កញ្ញា Patcharaporn Chantarapadit Miss Grand Thailand ឆ្នាំ២០២០ បានចេញមក Live រយៈពេល ៣ម៉ោង ជេរគ្មានទុកមុខ ព្រមទាំងប្រកាសថា Nawat ស្ថាបនិក Miss Grand មានលុយព្យាបាលខ្លួន មិនត្រូវការជំនួយពីរដ្ឋាភិបាលនោះទេ ដូច្នេះកុំចង់ទាមទារបុណ្យគុណឱ្យសោះ។
ប្រើប្រាស់ហ្វេសប៊ុក Nawat Itsaragrisil ធ្វើការ Live លើហ្វេសប៊ុករយៈពេល៣ ម៉ោងពេញ កញ្ញា Patcharaporn ខឹងជេរ ចំពោះព័ត៌មានចចាមអារ៉ាម ថែមទាំងបញ្ជាក់ទៀតថា ក្រោយពេលកញ្ញាបញ្ចប់ចត្តាឡីស័កនឹងចេញទៅជេរបន្តទៀត ពិសេសគឺពួកគាំទ្ររដ្ឋាភិបាល ដោយកញ្ញាបានបញ្ជាក់ថាថ្ងៃនេះមិនជេររដ្ឋាភិបាលទេ តែជេរអ្នកគាំទ្រ ហើយមិនបាច់មកជេរតបខ្លួនថាពួក បាតផ្សារ ព្រោះសុទ្ធតែពួកបាតផ្សារដូចគ្នាទេ ថ្វីត្បិតតែខ្លួនមាត់សុនខ (ឆ្កែ) តែមានចិត្តទៀងត្រង់ ថែមទាំងវាយប្រហារចំពោះសារព័ត៌មានដែលលើកឡើងរឿងរៀបចំពិធីបូជាសព និង ការរៀបចំចាត់ចែងសព ថែមទាំងនិយាយទៀតថា ម៉េចក៏អ្នកទាំងអស់នោះដឹងពីជំងឺនិងសុខទុក្ខលោក Nawat ច្បាស់ជាងកញ្ញាទៀតនោះ។ ព្រមទាំងលើកទៀតថាកញ្ញាស្អប់ណាស់ ពួកមកដាក់បណ្ដាសារលោក Nawat ដោយសួរទៅវិញទៀតថា ពួកអ្នកឯងមានបានធ្វើអ្វីដើម្បីសង្គមឬនៅ?
កញ្ញា ក៏បានលើកពីបញ្ហាជំងឺរបស់លោក Nawat ដែរថាពេលនេះលោកកំពុងសំរាកនៅលើគ្រែ ពេលនេះអាចគ្រប់គ្រងវីរុសបានហើយ វីរុសដែលលោកឆ្លងគឺជាវីរុសពូជមកពីឥណ្ឌា គឺមានភាពខ្លាំង ថ្វីត្បិតតែមេរោគចូលដល់សួតតែពេលនេះធំរាលដាលហើយ ចាក់ថ្នាំក្បាលពោះ និង ធ្វើស៊ីធីស្កេន (CT Scan) មួយថ្ងៃខានមួយថ្ងៃ ជួសឈាមរាល់ថ្ងៃ ចំណែកថ្លៃព្យាបាលគឺលោក Nawat ចេញដោយខ្លួន មិនចាំបាច់ទៅសុំរដ្ឋាភិបាលនោះទេ មួយវិញទៀតបើសិនជាក្នុងរវាង៥ទៅ៧ថ្ងៃទៀត អាការៈនឹងនអាចចេញបាន នឹងមានអ្វីពិសេសជាក់ជាមិនខាន កុំបារម្ភ ចាំពេលចេញនឹងមានអ្វីបង្ហាញ ចំណែកអ្នកដែល Comment មក លោក Nawat មើលរហូតមិនដាច់នោះទេ៕
ប្រភព៖ Mrgonline
