ក្មេងទំនើង១ ក្រុមជិះម៉ូតូអូសកាំបិត ពេញផ្លូវសារធារណៈ ក្នុងក្រុងសិរីសោភ័ណ ស្វែងរកគូសងសឹក ត្រូវបានសមត្ថកិច្ចអាវុធហត្ថចាប់វាយខ្នោះ កសាងសំណុំរឿងបញ្ជូនទៅតុលាការខេត្តបន្ទាយមានជ័យ នៅព្រឹកថ្ងៃទី13 ខែកក្កដា ឆ្នាំ2021 ចាត់ការបន្តតាមច្បាប់។
ក្មេងទំនើងទាំងបីនាក់នោះ រួមមាន៖
- ឈ្មោះ ផូ ភា (ចយ) ភេទប្រុស អាយុ19ឆ្នាំ ។
- ឈ្មោះ មឿន ស៊ីណែត ភេទប្រុស អាយុ17ន
- ឈ្មោះ ង៉ាម សារុន ភេទប្រុស អាយុ17ឆ្នាំ ។បច្ចុប្បន្ន ក្មេងទំនើងទាំងបីនាក់ រស់នៅក្នុងក្រុងសិរីសោភ័ណ ខេត្តបន្ទាយមានជ័យ ។
លោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណបានឲ្យដឹងថា ដោយឃើញសកម្មភាពក្រុមក្មេងទំនើងមានកាំបិតជិះម៉ូតូអូសកាំបិតតាមផ្លូវសាធារណ: នៅក្រុងសិរីសោភ័ណ ធ្វើឲ្យប្រជាពលរដ្ឋមានការភ្ញាក់ផ្អើល លោកបានដឹកនាំកម្លាំងចុះប្រតិបត្តិការបង្រ្កាបទាន់ពេលវេលា នៅព្រឹកថ្ងៃទី12 ខែកក្កដា ឆ្នាំ2021 និងដកហូតកាំបិតផ្គាក់ចំនួន02ដើម និងម៉ូតូ១គ្រឿង។
ក្រោយពេលសួរនាំ ពួកក្មេងទំនើងទាំងនេះឆ្លើយសារភាពថា ពួកគេ ជិះម៉ូតូកាន់ កាំបិត គឺមានគោលបំណងស្វែងរកក្រុមក្មេងទំនើងមួយក្រុមទៀត ដើម្បីកាប់ ពីព្រោះក្មេងទំនើង01ក្រុមទៀតនោះ ធ្លាប់ដេញកាប់ពួកគេកន្លងមក ទើបមានគំនុំ តាមសងសឹង តែត្រូវសមត្ថកិច្ចចាប់ខ្លួន៕
អត្ថបទភ្នាក់ងារ៖ ខេត្តបន្ទាយមានជ័យ