ទឹកចិត្តល្អ ថ្ងៃខួបកំណើតរបស់លោកគ្រូហុងដា នៅថ្ងៃទី១៤ មិថុនា នេះ ក្លិបបាល់ទាត់ Soltilo Angkor បានបង្ហោះរូបភាពសកម្មភាព ក្រុមការងារ និងកីឡារកររបស់ដែលមានទីលំនៅក្នុងខេត្តសៀមរាប យកសម្ភារ:កីឡា ចែកជូលក្មេងៗ ដែលបានស្រលាញ់វិស័យកីឡា។
ខណ:ថ្ងៃនេះក្លិបបាល់ទាត់ Soltilo Angkor បានបង្ហោះរូបភាពសកម្មភាព ភ្ជាប់ជាមួយសាដូច្នេះថា៖ «កាលពីម្សិលមិញ ត្រូវនឹងថ្ងៃទី១៣ ដែលត្រូវជាថ្ងៃខួបកំណើតរបស់លោកគ្រូហុងដា ក្រុមការងារ និងកីឡារករដែលមានទីលំនៅក្នុងខេត្តសៀមរាប បានចុះទៅចែកជូនសម្ភារ:កីឡាដែរនៅសល់ជូនទៅដល់ប្អូនដែលស្រលាញ់វិស័យកីឡាបាល់ទាត់ នៅក្នុងសាលាបឋមសិក្សា ជា.ស៊ីម កុមារ អង្គរ ដែលស្ថិតនៅ ភូមិ វិហារចិន សង្គាត់ ស្វាយដង្គំ នៅក្នុងទីរួមខេត្តសៀមរាប»។
រំលឹកថា កាលពីថ្ងៃទី១ ខែមិថុនា ឆ្នាំ២០២៣ លោក Keisuke Honda អតីតអ្នកចាត់ការទូទៅក្រុមជម្រើសជាតិកម្ពុជា បានប្រកាសរំសាយក្លិបបាល់ទាត់សូលទីឡូអង្គរជាផ្លូវការ ក្រោយមិនអាចស្វែងរកដៃគូសហការឧបត្ថម្ភ។
លោក Keisuke Honda បានថ្លែងនៅលើទំព័រហ្វេសប៊ុកដូច្នេះថា៖«ប្រជាជនកម្ពុជា និងខេត្តសៀមរាប! ខ្ញុំមានដំណឹងមួយជម្រាបជូនអ្នក យើងបានសម្រេចចិត្តបញ្ចប់ប្រតិបត្តិការរបស់ក្លឹប Soltilo Angkor FC ដែលយើងបានដំណើរការតាំងពីឆ្នាំ ២០១៧»។
គួរបញ្ជាក់ថា ក្លិបសូលទីឡូអង្គរ គឺជាក្លិបដែលមានមូលដ្ឋាននៅលើទឹកដីសៀមរាប បានបង្កើតឡើងនៅឆ្នាំ២០១៦ និងមានប្រធានពីររូមគឺ លោក Keisuke Honda និងលោក ប៊ុន វណ្ណេត ក្លិបនេះបានប្រកបអាជីពក្នុងលីគ២ របស់កម្ពុជា មុនប្រកាសរំសាយជាផ្លូវការ កាលពីថ្ងៃទី១ ខែមិថុនា ឆ្នាំ២០២៣ កន្លងទៅ៕