សិល្បៈអន្តរជាតិ៖ តារាចម្រៀង-តារាសម្ដែងថៃ Hunz គឺជាមនុស្សម្នាក់ដែលមានឈ្មោះបោះសំឡេងនៅក្នុងរង្វង់សិល្បៈថៃ ប៉ុន្តែមិនមានអ្នកណាធ្លាប់ដឹងទេថា បុរសសង្ហារូបនេះក៏ធ្លាប់ទន់ជ្រាយ កើតជំងឺ Depression រហូតគិតបញ្ចប់ខ្លួនឯងនោះដែរ។
ក្រោយប្រកាសសេពគប់ជាមួយនឹងមិត្តស្រីជនជាតិកូរ៉េ Jiyeon ដែលជាតារាសម្ដែង-ពិធីការនីល្បីមួយរូបក្នុងរង្វង់សិល្បៈថៃ បានរយៈពេល៥ឆ្នាំមកនេះ បុរសសង្ហា Hunz Isariya Phataramanop ហាក់ដូចជាមើលទៅរីករាយនិងស្រស់ស្រាយជាងមុន។
យ៉ាងណាមិញករណីធ្លាប់ចង់បញ្ចប់ជីវិតខ្លួនដោយសារជំងឺ Depression របស់តារាសម្ដែងរូបនេះមិនធ្លាប់មានអ្នកណាម្នាក់ដឹងនោះឡើយ លុះត្រាតែថ្មីៗនេះ គូស្នេហ៍ទាំងពីរមានឱកាសបានចូលរួមជាភ្ញៀវកិត្តិយសក្នុងកម្មវិធី ClubFriday Show ដែលផ្ដល់ឱកាសឱ្យគូស្នេហ៍បានមកពិពណ៌នានិងរៀបរាប់ពីជីវិតស្នេហារបស់ខ្លួន។
ដំបូងឡើយតារារូបនេះបានរៀបរាប់ថាស្នេហារបស់ពួកគេផ្ដើមពីស្អប់មុខគ្នា ដោយអ្នកទាំងពីរមានឱកាសស្គាល់គ្នាពេលសម្ដែង Sitcom ជាមួយគ្នា កាលណោះថតជាមួយគ្នាលើកដំបូងស្រាប់តែខាងប្រុសថើបខាងស្រីមែនទែន ថែមទាំងខុសពីសេណារីយ៉ូសាច់រឿង រហូតខាងស្រីទ្រាំបានស្ដីឱ្យប៉ាំងៗ ទោះជាខាងប្រុសដើរមកសុំទោសយ៉ាងណាក្ដី។
ក្រៅពីនិយាយដល់រឿងស្នេហាខ្លួនហើយនោះ Hunz បានទម្លាយពីជីវិតឯកជនបែប Exclusive មិនមានអ្នកណាដឹងទៀតថា ខ្លួនមិនដែលបង្ហាញចំណុចទន់ជ្រាយឱ្យអ្នកណាឃើញនោះឡើយ សូម្បីតែថ្ងៃនេះ សង្សារខ្ញុំបានសួរខ្ញុំថា ខ្ញុំនិយាយរឿងនេះមិនអីទេមែនទេ? ខ្ញុំប្រាប់គាត់វិញថា ខ្ញុំត្រូវតែឆ្លងកាត់ការលំបាកនេះឱ្យបាន រឿងរ៉ាវចាប់ផ្ដើមពេលជំងឺកួវីដ-១៩ មានយប់មួយនោះពួកយើងឈ្លោះគ្នាខ្លាំងណាស់ ចំណែក Jiyoen បានប្រាប់ដែរថា សុខៗគាត់ស្រាប់ដើរចូលបន្ទប់ ហើយច្រងេងច្រងាងខ្ញុំខ្លាចខ្លាំងណាស់បន្ទាប់ពីនោះ Hunz ស្រាប់តែសម្រេចចិត្តចង់បញ្ចប់ជីវិតខ្លួនឯង៕
ប្រភព៖ siamnews