សិល្បៈអន្តរជាតិ៖ នេះគឺអាចចាត់ទុកជាដំណឹងក្ដៅៗដែលអ្នកគាំទ្រ Park Seo Joon ផ្ដោតការចាប់អារម្មណ៍ជាខ្លាំងក្រោយបែកធ្លាយដំណឹងថាតារាសម្ដែងល្បីឈ្មោះរូបនេះកំពុងបង្កាត់ភ្លើងស្នេហ៍ជាមួយនឹងកញ្ញា YouTuber ដ៏ស្រស់ស្អាត XOOOS ។
សូមអាន៖ Park Min Young ខឹងឆេះដុំបដិសេធមានស្នេហានឹង Park Seo Joon ហើយអះអាងថាខ្លួនSingle!
មានសេចក្ដីរាយការណ៍ពីបណ្ដាញសារព័ត៌មាន JTBC News បានផ្សាយកាលពីខែឧសភាកន្លងមកមានធ្លាយដំណឹងរសើបថាតារាសម្ដែងរូបសង្ហា Park Seo Joon កំពុងតែបង្កាត់ភ្លើងស្នេហ៍ជាមួយនឹងតារាចម្រៀង និងជា YouTuber ដ៏មានប្រជាប្រិយភាពគឺកញ្ញា XOOOS។ ទំនាក់ទំនងស្អិតល្មួតលើសពីមិត្តធម្មតានេះបានឈានដល់ដំណាក់កាលហៅគ្នាថាមនុស្សពិសេស ព្រមទាំងបានណែនាំគ្នាឱ្យមិត្តភក្ដិជិតស្និទ្ធិស្គាល់រៀងៗខ្លួនថែមទៀតផង។ មិនតែប៉ុណ្ណោះអ្នកទាំងពីរបានឆ្លៀតឱកាសដ៏សែនមមាញឹកដើម្បីណាត់ជួបគ្នាបង្កើនសម្ព័ន្ធភាពឱ្យកាន់តែផ្អែមល្ហែមមួយកម្រិតទៀត។
ប៉ុន្តែផលិតកម្មដែលគ្រប់គ្រងលើបុរសសង្ហា Park Seo Joon បានចេញមកឆ្លើយតបចំពោះករណីនេះថា៖ «វាជារឿងពិបាកបន្តិចក្នុងការអះអាងនូវព័ត៌មានជាក់លាក់ណាមួយពាក់ព័ន្ធនឹងជីវិតឯកជនរបស់តារាឬអ្នកសម្ដែងណាម្នាក់»។
កញ្ញា xooos ឬ Kim Soo Yeon ចាប់ផ្ដើមសាងកេរ្តិ៍ឈ្មោះនៅក្នុងរង្វង់សិល្បៈតាមរយៈការច្រៀង Cover បទចម្រៀងល្បីៗ ដោយសារតែជាមនុស្សស្អាតមានមន្តស្នេហ៍និងមានសំឡេងពីរោះធ្វើឱ្យកញ្ញាក្លាយជាមនុស្សដែលមានអ្នកគាំទ្រតាមដានច្រើន រហូតមានឱកាសបានចុះហត្ថលេខាចូលរួមជាតារាកុងត្រាក្នុងផលិតកម្ម Wavy ព្រមទាំងទើបបញ្ចេញបទចម្រៀងថ្មីមានចំណងជើងថា «Bad At Us» កាលពីថ្ងៃទី៣០ ខែឧសភាកន្លងទៅថ្មីៗនេះ។
ប្រភព៖ បរទេស, mb