កីឡាករដេញបាល់លឿនរបស់វិសាខា ផុល រតន: បានប្រាប់សាព័ត៌មានត្រយង ពេលមុនចេញទៅប្រកួតពានអ្តរជាតិ នៅម៉ាឡេស៊ីថា៖«នេះជាការទទួលបានបទពិសោធន៍ថ្មីមួយទៀត នៅពេលបាននៅជាមួយពូលក្រុមខ្លាំងមកពីប្រទេសផ្សេងៗ។ ចូលរួមលើកនេះខ្ញុំមិនមានអាភ័យទេ ព្រោះធ្លាប់មានបទពិសោធន៍ចេញទៅប្រកួតនៅក្រៅប្រទេសច្រើនដង»។
កីឡាករមានកម្ពស់ ១.៨៧ម៉ែត្ររូបនេះថា ទៅប្រកួតនៅម៉ាឡេស៊ីលើកនេះ គឺខ្លួននឹងខំប្រឹង ពីមុនធ្លាប់ធ្វើដើម្បីប្រទេសជាតិ តែលើកនេះគឺធ្វើដើម្បីផ្ទះខ្លួនម្ដង គឺក្លិបបាល់តះវិសាខា។ ក្រុមបាល់ទះវិសាខា បានចូលរួមក្នុងព្រឹត្តិការណ៍ Johor Bahru-Mayor’s Cup 2023 នៅប្រទេសម៉ាឡេស៊ី មានរយៈពេលប្រកួត៤ថ្ងៃ ចាប់ពីថ្ងៃទី២២ នឹងបញ្ចប់នៅថ្ងៃទី២៥ ខែមិថុនា ឆ្នាំ២០២៣៕
ទស្សនាវីដេអូ កិច្ចសម្ភាសន៍កីឡាករ ផុល រតន: ខាងក្រោម៖