សហព័ន្ធកីឡាចំបាប់កម្ពុជា បានបញ្ជូនកីឡាករ កីឡាករិនីចំនួន ០៩រូប ក្នុងនោះកីឡាការិនី ០៤រូប មកពីក្រសួងមហាផ្ទៃ ដើម្បីទៅចូលរួមការប្រកួតកីឡាចំបាប់ជ្រើសរើសជើងឯកយុវជនអាស៊ី-អាគ្នេយ៍ ឆ្នាំ២០២៣ អាយុក្រោម១៧ឆ្នាំ និងក្រោម២០ឆ្នាំ នៅព្រះរាជាណាចក្រថៃ។ នេះបើយោងតាមការឲ្យពីក្រុមប្រឹក្សាកីឡាក្រសួងមហាផ្ទៃ នៅថ្ងៃទី២៧ ខែមិថុនា ឆ្នាំ២០២៣ ។
សូមជម្រាបជូនថា ព្រឹត្តិការណ៍នេះ ប្រព្រឹត្តទៅ ចាប់ពីថ្ងៃទី២២ ដល់ថ្ងៃទី៣០ ខែមិថុនា ឆ្នាំ២០២៣ នៅសាកលវិទ្យាល័យកីឡាជាតិថៃ (Thailand National Sports University) នាខេត្ត Phetchabun៕
រឹលឹកថា កាលពីថ្ងៃទី១៧ មិថុនា កម្ពុជាកីឡាករចំបាប់កម្ពុជា ៤រូបទៅប្រកួតកីឡាចំបាប់ជើងឯកអាស៊ី U23 នៅប្រទេសកៀហ្ស៊ីស៊ីស្ថាន ដែលដឹកនាំដោយគ្រូបង្វឹកលោកស្រី ចូវ សុធារ៉ា និងលោក Komeil Ghasemi ។ ក្រោយបញ្ចប់កីឡាករ ស៊ូ បាលី របស់កម្ពុជា បានឈ្នះមេដាយសំរឹទ្ធដំបូងគេមិនធ្លាប់មានសម្រាប់កម្ពុជា ក្នុងប្រភេទកីឡាចំបាប់ប្រកួតជើងឯក U23 អាស៊ី៕