សិល្បៈជាតិ៖ ថ្មីៗនេះ ការប្រកួតប្រជែងនៅក្នុងកម្មវិធី Miss Grand Cambodia 2023 បានឈានចូលដល់វគ្គថ្មីមួយទៀតហើយ ដែលតម្រូវឱ្យបេក្ខនារីទាំង ២៥ រូប Review ពីផលិតផលដើម្បីស្វែងរកជើងខ្លាំងដែលស័ក្ដសមពីការនិយាយពន្យល់អំពីពីគុណសម្បត្តិផលិតផលដែលខ្លួនត្រូវប្រូម៉ូដ។
វិញ្ញាសាមួយនេះ មិនត្រឹមតែតេស្ដសមត្ថភាពរបស់បេក្ខនារីនីមួយៗនេះទេ ប៉ុន្តែក៏ជាការស្ទាបស្ទង់មើលថា តើបេក្ខនារីរូបណាដែលឆ្នើម និងពូកែវោហារសព្ទទាក់ទាញចំណាប់អារម្មណ៍ហ្វេនអ្នកគាំទ្រទាំងអស់?
យ៉ាងណាមិញ ការប្រកួតប្រជែងនេះ មិនត្រូវបានដាក់ពិន្ទុកាត់សេចក្ដីជាប់ធ្លាប់សម្រាប់ Miss Grand Cambodia ទាំង ២៥ រូបនេះទេ ប៉ុន្តែគឺគ្រាន់តែជាការបណ្ដុះបណ្ដាល និងផ្ដល់ឱកាសដល់បេក្ខនារីឆ្លាតវៃ ក្លាហាន ពូកែវោហារដែលអាច Review ផលិតផលទាក់ទាញបំផុត នឹងក្លាយជា BA តំណាងឱ្យក្រុមហ៊ុន HK7 រយៈពេលពេញ ១ ឆ្នាំ។
លោកស្រី អ៊ឹម សុគន្ធា អគ្គនាយិការៀបចំការប្រកួត Miss Grand Cambodia 2023 បានលើកឡើងថា នៅឆ្នាំនេះគឺប្លែកខុសរាល់ដងបន្តិច ដោយក្រុមហ៊ុន HK7 នឹងជ្រើសរើសបវរកញ្ញាម្នាក់ចេញពីកម្មវិធី Miss Grand Cambodia មានសមត្ថភាពឆ្នើម នឹងក្លាយជា BA តំណាងផលិតផ្ទាល់តែម្ដង។ វិញ្ញាសាមួយនេះ ក៏ជំរុញឱ្យបេក្ខនារីទាំងអស់មានទីផ្សារក្នុងការឃោសនាផលិតផលឱ្យបណ្ដាក្រុមហ៊ុនធំៗ ដែលពួកគេបានចាប់អារម្មណ៍លើបវរកញ្ញាឯក។
សូមជម្រាបផងដែរថា បេក្ខភាពដែលជា Best Seller លក់បានឆ្នើមជាងគេក៏ទទួលបានការបំពាក់ឆៀង ទឹកប្រាក់មួយចំនួន និងក្លាយជា Miss HK7 ក្នុងកម្មវិធី Miss Grand Cambodia 2023នេះតែម្ដង។
ដោយឡែកការប្រកួត Miss Grand Cambodia 2023 នាពេលនេះគឺស្ថិតនៅក្នុងដំណាក់កាលទី ១ នៃការបោះឆ្នោតចំពោះវីដេអូណែនាំរបស់ខ្លួនបេក្ខនារីនីមួយៗ ហើយដំណាក់កាលទី២ នឹងបន្តដល់ថ្ងៃប្រកួតប្រជែងវគ្គបឋម ដើម្បីរកបេក្ខភាពតែម្នាក់ប៉ុណ្ណោះដែលអាចទទួលបាន Best Choice Of The Year ចូលទៅកាន់ Top 15 ។ កុំភ្លេចរងចាំតាមដានបន្តទៀតថា តើបេក្ខនារីរូបណាដែលលោកអ្នកពេញចិត្តនឹងទទួលបានជយលាភីពីកម្មវិធី?