ចប់វគ្គសន្សំពិន្ទុជុំទី១ បញ្ចប់សប្ដាហ៍ទី៩ ប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ កីឡាករ ភឹម ចាន់ វិសុទ្ធ របស់ភ្នំពេញហ្គាឡាក់ស៊ី បន្តរក្សាតំណែងរកគ្រាប់បាល់បានច្រើនជាគេ ចំនួន ៦គ្រាប់ គិតចាប់ពីសប្ដាហ៍ទី៥មក តាមពីក្រោយដោយកីឡាករ ប៉ុន ស៊ីបប្រី របស់កំពង់ចាម កីឡាករ ធី ភារ៉ា របស់ត្បូងឃ្មុំ និងកីឡាករ ហ៊ន លីហេង ចំនួន ៥គ្រាប់ ដូចគ្នា។
ដោយឡែកសម្រាប់ក្រុមខេត្តត្បូងឃ្មុំ បន្តឈរកំពូលតារាងជាក្រុមដែលរកគ្រាប់បាល់បានច្រើនជាងគេ ចំនួន ១៥គ្រាប់ តាមពីក្រោយដោយ កំពង់ឆ្នាំង ១៤គ្រាប់ និង កំពង់ចាម ចំនួន ១២គ្រាប់ ក្នុងចំណោមគ្រាប់បាល់សរុប ១៥២គ្រាប់ ទាំង ៣៩ប្រកួត នៃពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ថ្នាក់ខេត្ត។
ខណ:ភ្នំពេញហ្គាឡាក់ស៊ី ឈកំពូលតារាង ពូល ក មាន ៨ពិន្ទុ អយក ត្បូងឃ្មុំ ឈរកំពូលតារាង ពូល ខ មាន ១២ពិន្ទុ ឈើតុំ ពោធិ៍សាត់ ឈរកំពូល តារាង ពូល គ មាន ៩ពិន្ទុ, សន្តិភាពកំពង់ធំ ឈរកំពូលតារាង ពូល ឃ មាន ៩ពិន្ទុ។
កីឡាករ ៤រូបជាប់ឈ្មោះក្នុងបញ្ជីទាត់បញ្ចូលទីច្រើនជាងគេ (Top Scorers) គិតត្រឹមសប្តាហ៍ទី៩៖
- កីឡាករ ភឹម ចាន់វិសុទ្ធ របស់ក្លិបបាល់ទាត់ភ្នំពេញហ្គាឡាស៊ី រកបាន ៦គ្រាប់
- កីឡាករ ប៉ុន ស៊ីបប្រី របស់មន្ទីរ អយក ខេត្តកំពង់ចាម រកបាន ៥គ្រាប់
- កីឡាករ ធី ភារ៉ា របស់មន្ទីរ អយក ខេត្តត្បូងឃ្មុំ រកបាន ៥គ្រាប់
- កីឡាករ ហ៊ន លីហេង របស់មន្ទីរ ក្លិបបាល់ទាត់ ឈើតុំ រកបាន ៥គ្រាប់
គួរបញ្ជាក់ថា ក្រោយចប់វគ្គសន្សំពិន្ទុជុំទី១ បញ្ចប់សប្ដាហ៍ទី៩ ប៉ុន្តែខេត្តកមពង់ធំ និងខេត្តមណ្ឌលគិរី ទើបលេងបាន ៣ប្រកួតដោយសាសប្ដាហ៍ទី៩ នៅថ្ងៃទី២៨ មិថុនា ត្រូវបានខាងគណៈកម្មការរៀបចំការប្រកួតប្រាប់ថា ការប្រកួតនេះត្រូវលើកពេលទៅប្រកួតនៅថ្ងៃក្រោយ ដោយសាបញ្ហាទីលាន៕
https://t.me/troryorngmedia